VII Mižnarodnaja vystava ŭzbrajeńnia i vajennaj techniki Milex-2014 projdzie ŭ Minsku z 9 pa 12 lipienia 2014 hoda. Raniej płanavałsia, što jana adbudziecca 18—21 červienia.
Jak paviedamiŭ pradstaŭnik Dziaržaŭnaha vajenna-pramysłovaha kamiiteta Biełarusi pa infarmacyi i suviaziach z hramadskaściu Uładzimir Łaŭraniuk, pieranos forumu byŭ nieabchodny, kab terminy jaho praviadzieńnia nie pierasiakalisia z terminami praviadzieńnia anałahičnych mierapryjemstvaŭ, jakija pravodziacca ŭ inšych krainach.
Hałoŭnyja mety vystavy — šyroki pakaz pradukcyi biełaruskaj abaronnaj pramysłovaści, aznajamleńnie z novymi raspracoŭkami ŭ śfiery vysokich technałohij, demanstracyja mahčymaściaŭ pradpryjemstaŭ, jakija zajmajucca madernizacyjaj, ramontam bajavoj techniki i akazvajuć roznyja pasłuhi ŭ intaresach uzbrojenych sił.
Arhanizatary Milex-2014 — Dziaržaŭny vajenna-pramysłovy kamitet, Ministerstva abarony, Nacyjanalny vystavačny centr «BiełEkspa» Kiraŭnictva spravami prezidenta Biełarusi. Hienieralny sponsar — dziaržaŭnaje źniešniehandlovaje ŭnitarnaje pradpryjemstva «Biełśpiecźnieštechnika».
Miesca praviadzieńnia vystavy — «Minsk-Arena».
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu7
Kamientary