Амерыканскія ўлады афіцыйна заявілі аб станоўчым тэсце на хантавірус у свайго грамадзяніна, які знаходзіўся на борце судна MV Hondius. Пасажыра рыхтуюць да эвакуацыі ў спецыялізаваны ізалятар у штаце Небраска.
Дэпартамент аховы здароўя і сацыяльных службаў ЗША паведаміў, што інфікаваны амерыканец адзін з 17 грамадзян ЗША, якіх цяпер вывозяць з Канарскіх астравоў чартарнымі рэйсамі.
У нядзелю раніцай у порце Тэнэрыфэ пачалася маштабная аперацыя па эвакуацыі. Пасажыраў транспартуюць з судна адразу на самалёты для адпраўкі на радзіму.
Амерыканскі пасажыр са станоўчым тэстам будзе дастаўлены ў Нацыянальны блок біялагічнай ізаляцыі ў Небрасцы — установу, здольную забяспечыць неабходны ўзровень бяспекі пры лячэнні такіх небяспечных інфекцый.
Хантавірус, які звычайна пераносіцца грызунамі, выклікае цяжкія паражэнні арганізма з высокай рызыкай смерці.
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары