У суботу ўмовы надвор'я на тэрыторыі Беларусі будзе вызначаць вобласць паніжанага атмасфернага ціску. Месцамі чакаюцца кароткачасовыя дажджы, навальніцы. У начныя і ранішнія гадзіны ў асобных раёнах cлабы туман. Вецер паўночна-заходні ўмераны. Тэмпература паветра: мінімальная ноччу 11 .. 17°С, максімальная днём ад 21°С па паўночным усходзе да 28°С па паўднёвым захадзе краіны.
У наступныя двое сутак надвор'е ў нашай краіне пачне паляпшацца.
У нядзелю, 28 ліпеня, пад уплывам малаактыўнага атмасфернага фронту ў асобных раёнах яшчэ пройдуць невялікія кароткачасовыя дажджы, не выключаны навальніцы. Вецер няўстойлівы слабы. У дзённыя гадзіны на крайнія паўднёва-заходнія раёны Беларусі пачне паступаць больш цёплая паветраная маса з поўдня Еўропы. Тэмпература паветра: мінімальная ноччу 10 .. 17°С, максімальная днём 23 .. 28°С, па паўднёвым захадзе Брэсцкай і Гродзенскай абласцей 29 .. 31°С.
У панядзелак, 29 ліпеня, Беларусь у асноўным будзе знаходзіцца ў полі павышанага атмасфернага ціску. Паўднёвы захад краіны апынецца пад уплывам вельмі цёплых паветраных мас трапічнага паходжання. Абыйдзецца пераважна без ападкаў. Вецер ноччу няўстойлівы слабы, днём паўднёва-ўсходні ўмераны, па захадзе краіны — парывісты. Тэмпература паветра: мінімальная ноччу 10 .. 16°С, максімальная днём 23 .. 29°С; па паўднёвым захадзе ноччу 17 .. 19°С, днём 30 .. 33°С.
Каментары