Va Ukrainie zahinuła 24-hadovaja biełaruskaja dobraachvotnica Maryja Zajcava
Mnohija pamiatajuć Maryju pa fota, zroblenym 9 žniŭnia ŭ Minsku kala Steły. Tady dziaŭčyna była paranienaja šumavoj hranataj. Maryi zrabili niekalki apieracyj u Biełarusi, a paśla vyvieźli jaje na lačeńnie ŭ Čechiju.
Paśla pačatku vajny dziaŭčyna dałučyłasia da abaroncaŭ Ukrainy. A ciapier siabry Maryi paćvierdzili «Našaj Nivie» jaje trahičnuju hibiel.
Dziaŭčyna zahinuła ŭ bajach pad Bachmutam, dzie vajavała ŭ składzie 2-ha Internacyjanalnaha lehijonu.
Na hety momant cieła zahinułaj znachodzicca ŭ zonie abstrełu.
Tolki ŭčora joj spoŭniłasia 24 hady.
Sama Maryja pachodziła z Homiela, jana skončyła adnu z najlepšych navučalnych ustanoŭ horada — himnaziju № 46 imia Błeza Paskala, dzie pahłyblena vyvučajuć francuzskuju movu.
U žniŭni 2020 hoda dziaŭčyna razam ź siabram pryjechała ŭ Minsk śpiecyjalna dla ŭdziełu ŭ pratestach suprać falsifikacyi prezidenckich vybaraŭ. Tam jana była mocna traŭmavanaja.
«Nas zakidali śvietłašumavymi hranatami, ja adrazu zhubiła prytomnaść, mianie paraniła ŭ hałavu, ja była kantužanaja.
Maje siabry adciahnuli mianie ad darohi, jany taksama byli paranienyja, pasiečanyja askiepkami. Niejkim čynam u mianie jašče ŭ ściahnie apynulisia try humovyja kuli. Napeŭna, heta adbyłosia ŭžo tady, kali ja zhubiła prytomnaść. Chiba što ja vyhladała vielmi niebiaśpiečnaj na ziamli.
Pračnułasia ja ŭ reanimacyi», — raskazvała jana sama pra toje, što tady adbyłosia, u adnym ź intervju.
Paśla taho Maryja paŭtara miesiaca lažała ŭ balnicy ŭ Biełarusi, a paśla pajechała na lačeńnie ŭ Čechiju. Joj zrabili niekalki apieracyj, ale prablemy ŭsio adno zastavalisia. Paśla pieražytaha ŭ jaje ŭ mozhu, jak jana sama kazała, zastavałasia hiematoma, a da taho ž jana ahłuchła na adno vucha.
Havoračy pra toje, jak na jaje paŭpłyvaŭ 2020 hoda, Maryja Zajcava kazała:
«Zrazumieła, što mianie heta źmianiła vielmi mocna. Mianie da hetaha času trochi zžyraje PTSR (posttraŭmatyčny razład). Ja nie mahu svajo žyćcio bolš nie źviazvać ź Biełaruśsiu.
Kali nie ź Biełaruśsiu, to ja nie viedaju, z čym jašče. Bo ja addała zdaroŭje za heta. I ja praŭda vieryła ŭ našu ideju, i ja vielmi chaču, kab u majoj krainy ŭsio atrymałasia. Ja chaču heta pabačyć i viarnucca tudy».
«U mianie hiematoma ŭ mozhu zastałasia z taho času». Achviara siłavikoŭ raskazała, što ŭ jaje ciapier z žyćciom i zdaroŭjem
«Ja abaviazkova viarnusia». Hamialčanka, u jakuju na akcyi pratestu trapiła śvietłašumavaja hranata, źjechała ź Biełarusi
Šakujučyja FOTA paciarpiełych na mirnych akcyjach z Balnicy chutkaj dapamohi
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja5
Kamientary