Novyja knihi, dasłanyja ŭ redakcyju
Navinka “Knihazboru”
Kniha vybranych pracaŭ Jaŭchima Karskaha «Biełarusy» vyjšła ŭ vydaviectvie «Biełaruski knihazbor». «Biełarusy» Ja.Karskaha — 16-y vypusk hetaje vydavieckaje seryi. Hetak ža zvałasia j 3-tomnaje (u 7-mi knihach) najbolš poŭnaje vydańnie pracaŭ Ja.Karskaha z dośledam i apisańniem pobytu, tradycyjaŭ, movy j litaratury našych prodkaŭ, vydadzienaje na pačatku XX st. (pieravydadzienaje pa apošniaj vajnie ŭ Maskvie). U knihazboraŭskaje vydańnie vybranych tvoraŭ uvajšoŭ całkam 1-y tom, paślasłoŭje z 2-ha j raździeł «Narodnaja paezija» z 3-ha tomu «Biełarusaŭ». Teksty nadrukavanyja movaju aryhinału — rasiejskaju, pry hetym dziaržava nie dała ni kapiejki na vydańnie tvoraŭ pieršaha biełarusa-akademika Rasiejskaje Imperatarskaje Akademii Navuk, rektara Varšaŭskaha ŭniversytetu, zasnavalnika biełaruskaha movaznaŭstva. Pracy ž, što ŭvajšli ŭ novaje vydańnie, — usiaho tolki čaścinka tvorčaje spadčyny Ja.Karskaha, što naličvaje bolš za tysiaču daśledavańniaŭ, artykułaŭ i recenzijaŭ.
Postać navukoŭca davoli supiarečlivaja. Svajoju navukovaju dziejnaściu Ja.Karski davioŭ, što biełarusy — samastojny narod, stvaryŭ hrunt biełaruskaha adradžeńnia pačatku XX st. Pry ŭsim hetym jon hladzieŭ na Biełaruś jak na nieadłučnuju častku Rasiei. Biełarus z pachodžańnia, Ja.Karski byŭ nie biełaruskim adradžencam, a zvyčajnym rasiejskim navukoŭcam z tradycyjnymi pohladami rasiejca na Biełaruś.
V. M.
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały4
Kamientary