Biełstat: U Biełarusi kala 6% chatnich haspadarak ličać siabie biednymi
U Biełarusi bolš jak pałova (61,1%) chatnich haspadarak aceńvajuć svajo materyjalnaje stanovišča jak siaredniaje, 25,1% — krychu nižejšym za siaredniaje i 5,1% — krychu vyšejšym za siaredniaje. Dola chatnich haspadarak z vysokim materyjalnym stanoviščam skłała 2,8%, ź nizkim — 5,9%.
Jak paviedamili ŭ pres-słužbie Nacyjanalnaha statystyčnaha kamiteta, takija vyniki vybaračnaha abśledavańnia ŭzroŭniu dabrabytu chatnich haspadarak u 2012 hodzie, u jakim uziali ŭdzieł 5,5 tys. respandentaŭ.
Kožnaja druhaja chatniaja haspadarka ličyć svajo materyjalnaje stanovišča ŭ paraŭnańni ź minułym hodam stabilnym.Bolš jak čverć udzielnikaŭ abśledavańnia stanoŭča aceńvajuć źmieny ŭ svaim materyjalnym stanoviščy. Dola chatnich haspadarak, jakija ŭpeŭnieny ŭ palapšeńni svajho materyjalnaha stanovišča ŭ paraŭnańni z 2011 hodam i jakija źviazvajuć heta z rostam dachodaŭ ad pracoŭnaj dziejnaści, składaje 44,4%, z pavieličeńniem piensij i dapamoh — 30,3%, sa źjaŭleńniem novaj ci dadatkovaj krynicy pracoŭnych dachodaŭ — 20,5%.
Prykładna 55% udzielnikaŭ abśledavańnia čakajuć zachavańnia svajho ŭzroŭniu dabrabytu. Ź vialikim aptymizmam na heta pytańnie hladziać 34,8% respandentaŭ, jakija miarkujuć, što ich materyjalny dabrabyt u 2013 hodzie palepšycca. Dola chatnich haspadarak, jakija prahnazujuć mahčymaje paharšeńnie svajho materyjalnaha stanovišča ŭ chutkim časie, składaje 10,6%.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj14
Kamientary