«Nu jak tam tvaja piensija, vyrasła?» — «Vyrasła, a što tołku? Projduć vybary — iznoŭ abrežuć, ci ceny padymuć».Razmovu dźviuch piensijanierak ja padsłuchaŭ nie ŭ Zasłaŭi, ci Minsku, a ŭ adnym z kurortnych haradkoŭ Kryma. Za tydzień adpačynku takija sceny paŭtaralisia nieadnojčy. I ich jadnała adno: u hołasie ludziej čułasia vyraznaja apatyja i navat asudžanaść. Maŭlaŭ, palityki robiać što zachočuć, i nas nie pytajuć. Hetaj svajoj abyjakavaściu ŭkraincy ŭsio bolš nahadvajuć biaźmierna ciarplivych biełarusaŭ. I padobnaja paralel z našaj krainaj tut nie adzinaja.
Siońniašniaja Ukraina robicca ŭsio bolš padobnaj da Biełarusi ŭzoru kanca 1990-ch — pačatku 2000-ch.Kolišni premjer Julija Cimašenka siadzić u turmie — pryvitańnie Michaiłu Čyhiru. Ukrainskuju apazicyju miascovaja presa ŭsio čaściej nazyvaje razhromlenaj, a sproby abjadnacca i pajści na «rehijanałaŭ» adzinym frontam usprymajucca ź vialikaj dolaj skiepsisu.
Apazicyja ŭ svaju čarhu skardzicca na zvužeńnie dostupu da ŚMI,na niaroŭnyja ŭmovy palityčnaj ahitacyi.
Ukrainskaja presa, jak i biełaruskaja, padzielenaja na praŭradavuju i apazicyjnuju. Apošniaja ŭsio čaściej adčuvaje vydatki svajho statusu: źbićcio žurnalistaŭ, anulavańnie licenzij i h.d. Voś jaje jašče zakonam ab paklopie prystrašyli.
Kiraŭnikami siłavych struktur robiacca ludzi z atačeńnia synoŭ Janukoviča.Prezident Janukovič adkryvaje sielskahaspadarčyja vystavy, zahadvaje ŭradu padvyšać dabrabyt naroda, na jaho pryzy ładziacca spartyŭnyja kubki.
Moŭnaje pytańnie — jašče adny «biełaruskija hrabli», na jakija nastupili našy susiedzi.Fiłosaf Mirasłaŭ Papovič, jakoha časopis «Korriespondient» uklučyŭ u śpis 100 samych upłyvovych ukraincaŭ, miarkuje, što takim čynam Partyja rehijonaŭ sprabuje imitavać padabienstva pieramohi ŭ baraćbie za vykanańnie choć niejkich svaich pieradvybarčych abiacańniaŭ. Staŭka pry hetym robicca ŭ tym liku i na mahčymaść adciahnuć uvahu ludziej ad ekanamičnych i sacyjalnych prablem.
«Ličycie, što sioletniaja parłamienckaja kampanija nadzvyčaj niecikavaja i sumnaja? Tady vam u treba naviedać Biełaruś,dzie sioleta taksama vybary» — iranizuje adzin z ukrainskich telekanałaŭ. Lidar ukrainskaj apazicyi dakaraje pradstaŭnika partyi ŭłady tym, što «navat u Biełarusi siaredni zarobak vyšejšy, čym u nas». Takoje pabłažlivaje staŭleńnie da našaj krainy navodzić na dumku: ukraincy ci nie paśpieli adčuć, ci robiać vyhlad, što nie zaŭvažajuć, nakolki ich ułasnaja kraina stała padobnaj da našaj.
Ciapier čytajuć
Marata Markava pierasunuli z pasady ministra infarmacyi ŭ ministry kultury26
Kamientary