Prakuror patrabuje pakarać byłoha vice-hubiernatara Viciebščyny 7 hadami kałonii.
Siońnia ŭ Minskim haradskim sudzie praciahnuŭsia sud nad byłym namieśnikam staršyni Viciebskaha abłvykankama, a jašče raniej pieršym sakratarom CK BRSM Leanidam Kavalovym. Sud pačaŭsia jašče ŭ minułym hodzie, ale tolki 22 žniŭnia źjaviłasia pieršaja aficyjnaja infarmacyja pa hetaj spravie. A ŭžo siońnia adbyłosia apošniaje pasiadžeńnie: baki vystupili ŭ sprečkach, abvinavačanyja — z apošnim słovam.
Leanida Kavalova abvinavačvajuć pavodle č. 3 art. 430 Kryminalnaha kodeksa (atrymańnie chabaru słužbovaj asobaj).
Taksama pa spravie prachodzić hramadzianin Estonii Kaał Hunar. Jaho abvinavačvajuć pavodle č. 3 art. 430 art., a taksama art. 16 č. 6 KK (pasobnictva).
U spravie fihuruje suma chabaru ŭ 2,5 tys. jeŭra.
Pa viersii abvinavačvańnia, hetyja hrošy hramadzianin Estonii ŭ jakaści pasiarednika pieradaŭ ad dyrektara firmy, jakaja zajmajecca arhanizacyjaj fiejervierkaŭ, Kavalovu.
Heta nibyta «ŭdziačnaść» za vyklučnaje prava na arhanizacyju fiejervierkaŭ na masavych mierapryjemstvach na Viciebščynie ŭ 2010-ym.
Pieradača hrošaj išła pad kantrolem KDB. Bo dyrektar firmy napisaŭ zajavu pra vymańvańnie ŭ jaho chabaru. A pry pieradačy im hrošaj estoncu, pravaachoŭniki zatrymali apošniaha. U vyniku Hunar Kaał pajšoŭ na supracoŭnictva.
Na sudzie Kaał i Kavaloŭ siabie vinavatymi nie pryznali.
Prakuror zaprasiŭ dla Kavalova 7 hadoŭ kałonii z kanfiskacyjaj majomaści, Kaału — 5 hadoŭ z kanfiskacyjaj. Z ulikam sioletniaha zakona ab amnistyi termin prapanuje źmienšyć kožnamu na hod.
Prysud budzie abvieščany 31 žniŭnia.
Pakazalna, što zatrymańnie Leanida Kavalova tak i nie paćvierdzili aficyjna. Jak vyśvietliłasia na sudzie, zatrymali ž jaho 21 červienia 2011-ha.
Padrabiazna pra sud nad byłym vice-hubiernataram Viciebščyny čytajcie ŭ nastupnym numary papiarovaj «Našaj Nivy».
Ciapier čytajuć
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku3
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary