«Hałoŭnaje, kab vybary byli lehitymnyja. A heta zaležyć ad taho, nakolki svabodnym budzie volevyjaŭleńnie».
Alaksandr Łukašenka zajaviŭ, što kiraŭnictva krainy zacikaŭlena ŭ adkrytych i transparentnych parłamienckich vybarach.
«Vybary my chočam pravieści adkryta, transparentna, hodna. A hałoŭnaje, kab vybary byli lehitymnyja. A heta zaležyć ad taho, nakolki svabodnym budzie volevyjaŭleńnie», — zajaviŭ A.Łukašenka ŭ paniadziełak u Minsku, sustrakajučysia sa staršynioj Vykanaŭčaha kamiteta SND Siarhiejem Lebiedzievym.
Jak adznačyŭ Łukašenka, na ŭzroŭni kiraŭnictva krainy praviedzieny šerah naradaŭ pa vybarčaj kampanii, «usie atrymali ŭkazańni, orhany, jakija buduć pravodzić vybary, sfarmiravany». «Pačałosia vyłučeńnie kandydataŭ, my heta zrobim vielmi hodna i zaprašajem vašu misiju dla nazirańnia», — skazaŭ Łukašenka.
Jon zajaviŭ, što Biełaruś zaŭsiody z zadavalnieńniem zaprašaje misiju naziralnikaŭ ad SND. «My chočam, kab vy jaje ŭznačalili, bo davier da vas u Biełarusi vysokaje, prytym va ŭsich instytutaŭ ułady», — adznačyŭ A.Łukašenka, źviartajučysia da Lebiedzieva. «My tut ničoha nie chavajem, vy heta viedajecie», — skazaŭ Łukašenka.
Ciapier čytajuć
U Jeŭrasajuzie 550 tysiač biełarusaŭ z dazvołami na žycharstva3
Kamientary