Sieviaryniec maje prava na ŭmoŭna-daterminovaje vyzvaleńnie z 19 krasavika
Prašeńnia ab pamiłavańni jon nie pisaŭ i nie budzie.
Adzin z sustaršyniaŭ arhkamiteta pa stvareńni partyi «Biełaruskaja chryścijanskaja demakratyja» (BCHD) Pavieł Sieviaryniec moža być umoŭna-daterminova vyzvaleny 19 krasavika.
Pavodle jaho słoŭ, 19 krasavika nastupaje termin, zychodziačy ź jakoha jon moža być vyzvaleny ŭmoŭna-daterminova. «Adnak ja nijakich prašeńniaŭ ab pamiłavańni i nijakich papier ab UDV nie pisaŭ. Chacia ŭ «dziažurcy» mnie kažuć, što voś Sańnikava i Bandarenku vyzvalili, moža, i ty napišaš prašeńnie. Ale heta, chutčej, na ŭzroŭni zaŭvah, tamu što ŭsie viedajuć — nijakaha prašeńnia ab pamiłavańni ja pisać nie budu», — skazaŭ Sieviaryniec.
Jon adznačyŭ, što niama «nijakich znakaŭ, jakija śviedčyli b pra mahčymaść vyzvaleńnia». «Jak praviła, kamisija pa UDV źbirajecca ŭ kancy miesiaca i razhladaje nie adno ŭmoŭna-daterminovaje vyzvaleńnie, a niekalki takich spraŭ. Sprava ab UDV u dačynieńni da mianie moža być razhledžana, a moža i nie być», — paviedamiŭ Sieviaryniec.
16 maja 2011 hoda Sieviaryniec, jaki padčas vybaraŭ 2010 hoda kiravaŭ vybarčym štabam kandydata ŭ prezidenty Vitala Rymašeŭskaha, byŭ pryhavorany sudom Zavodskaha rajona Minska da troch hadoŭ abmiežavańnia voli na padstavie č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich). Jon adbyvaje pakarańnie ŭ vioscy Kuplin Pružanskaha rajona Bresckaj vobłaści.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary