Žychary Minska zaŭvažyli, što apošni miesiac raboty pa rekanstrukcyi Čyrvonaha kaścioła, jakija viaducca ŭžo amal hod i nibyta pavinny być zavieršanyja sioleta, amal nie pravodzili. Vierniki, jakija nazirajuć, nakolki heta mahčyma, za chodam rabot, paćvierdzili: apošnim časam ramont viali nieaktyŭna, piša vydańnie Katolik.life.
Niahledziačy na vysoki płot, było zaŭvažna, što budaŭnikoŭ na placoŭcy amal nie było, a z kaścioła nie danosilisia charakternyja huki ramontu.
U parafii śviatoha Symona i śviatoj Aleny viernikaŭ nijak nie infarmujuć pra chod rabot, tamu prypynieńnie ramontu pryviało da źjaŭleńnia peŭnych zdahadak i čutak.
Kab raźviejać sumnievy, adzin ź viernikaŭ dazvaniŭsia ŭ dziaržpradpryjemstva «Minskaja spadčyna», jakoje źjaŭlajecca ŭłaśnikam budynka kaścioła i zakazčykam rabot.
Adkaznaja asoba pradpryjemstva paćvierdziła, što ramont byŭ prypynieny na niekatory čas, i patłumačyła pryčynu tym, što źjaviłasia nieabchodnaść praviadzieńnia dadatkovych rabot.
Jak adkazali vierniku, «byli niekatoryja pytańni, patrabavaŭsia čas na prachodžańnie novaj ekśpiertyzy».
Adnak u «Minskaj spadčynie» zapeŭnili, što ciapier asnoŭnyja raboty ŭžo adnaŭlajucca, a terminy zaviaršeńnia rekanstrukcyi zrušanyja nie buduć.
Pavodle płanaŭ abjekt pavinny ŭvieści ŭ ekspłuatacyju ŭ studzieni 2027 hoda. Ale ci pieradaduć jaho znoŭ u karystańnie parafii i kali tak, to na jakich umovach, — viernikam dahetul nie paviedamlali.
Niadaŭna viernikam nie dali dazvołu pamalicca la Čyrvonaha kaścioła ŭ pamiatnuju datu pa prośbie byłoha probašča parafii ksiandza Uładzisłava Zavalniuka. U kancy sakavika śviatar kazaŭ u svaim videa, što budzie dalej sprabavać atrymać dazvoł, ale z taho času ničoha bolej nie paviedamlaŭ na hetu temu.
Darečy, upieršyniu za apošni čas, u minułuju niadzielu, padčas śviatoj imšy dla supolnaści Čyrvonaha kaścioła ŭ parafijalnych abjavach prahučaŭ zaklik da malitvy ab tym, kab vierniki jak maha chutčej mahli viarnucca ŭ svoj chram. Praŭda, abjavy čytaŭ nie probašč parafii, a vikaryj.
Ułady raspaviali, kali adkryjuć Čyrvony kaścioł
«Usio — chłuśnia i manipulacyi». Śpiecyjalisty rezka adkazali na isteryju vakoł rekanstrukcyi Čyrvonaha kaścioła
U Minsku chutka pačnucca pracy pa rekanstrukcyi Kalvaryjskaha kaścioła
«Raśpiłavali bałharkaj siejf, uzłomvali skarbonki». Parafijanie Čyrvonaha kaścioła raskazali, jak z chrama vyvozili majomaść
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1212
Kamientary