Ab terminach zaviaršeńnia ramontu budynka kaścioła śviatoha Symona i śviatoj Aleny raskazaŭ kiraŭnik administracyi Maskoŭskaha rajona Siarhiej Rubanaŭ, paviedamlaje «Minsk-Naviny».
Rubanaŭ skazaŭ, što raboty pa rekanstrukcyi, restaŭracyi kaścioła ŭžo pačalisia.
— Pracy surjoznyja. Było parušanaje azdableńnie, ale samaje asnoŭnaje — inžyniernyja sietki, jakija ŭpłyvajuć nie tolki na elektrazabieśpiačeńnie, ale taksama na aciapleńnie. Jość narmatyŭny termin rabot — 20 miesiacaŭ, jany viaducca. U 2027 hodzie hety kaścioł budzie ŭžo funkcyjanavać, — paviedamiŭ jon.
Čyrvony kaścioł začynieny z 2022-ha. Jaho faktyčna zabrali ŭ viernikaŭ paśla ŭzharańnia, jakoje adbyłosia pry ćmianych abstavinach. U noč na 26 vieraśnia 2022 hoda ŭ budynku, pa aficyjnaj viersii, adbyŭsia pažar praź niaspraŭnaść elektrapravodki.
U papiaredni raz kaścioł śviatoha Symona i śviatoj Aleny pieražyvaŭ maštabnuju rekanstrukcyju ŭ 2017-2019 hadach.
Ciapier čytajuć
Što viadoma pra biełarusa, jaki zahinuŭ la Elbrusa3
Što viadoma pra biełarusa, jaki zahinuŭ la Elbrusa
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary
Jak što? Jak kłub BRSM? Kaścioł pavinien być viernuty viernikam-katalikam, dla jakich jon byŭ zbudavany ŭ tyja časy, kali jašče nie było ni Łukašenak ni kdb ni saŭka.