Haspadar Fimki viadzie błoh u tyktoku, dzie raskazvaje pra ich viasiołyja budni.
U rolikach, jakija zdymaje mužčyna, vidać, što čałaviek i dzik, nasupierak zakonam pryrody, vydatna ładziać, piša Onliner.by.
Jany razam chodziać pa lesie, Fimiec, zusim jak sabaka, vilaje chvastom i radasna biažyć da haspadara, kali toj jaho kliča:
— Idzi siudy, moj šakaładapryjemnik!
Miarkujučy z usiaho, sałodkaje, a asabliva šakaład, — asablivaja luboŭ Fimki. Tak, naprykład, na adnym ź videa kabančyk stamiŭsia, loh na lasnuju ściežku i nikudy nie choča iści. Ale jak tolki čuje słova «Śnikiers», siły ŭ jaho adniekul źjaŭlajucca.
— Fim, pajšli, šakaład atrymaješ! «Śnikiers» atrymaješ! Pajšli, maleńki, jašče troški zastałosia, — padbadziorvaje dzika aŭtar rolika.
A jašče Fimka lubić vodnyja pracedury. Haspadar ź vialikaj piaščotaj reahuje na ŭsio, što b ni rabiŭ jaho hadavaniec. I kožny raz znachodzić dla jaho novyja piaščotnyja i krychu iraničnyja słovy: «Ty moj Ichtyjandr chrypučy! Kupajsia, kupajsia! Ty ŭsio ž taki marskaja śvinka ci račnaja».
Videa pra Fimku nabirajuć tysiačy prahladaŭ i sotni dobrych kamientaryjaŭ. Ludzi zamiłoŭvajucca łasunom, žartujuć i navat… krychu zajzdrościać:
- «Pupsik sałodzieńki!»
- «Žyćcio, jakoje ja chaču».
- «Jak jamu padaryć Snickers?»
- «Achacha, heta ja sprabuju vyciahnuć muža na mora».
Ciapier čytajuć
Aryna Sabalenka vyjšła da minčukoŭ u atačeńni vaśmi achoŭnikaŭ VIDEA13
Kamientary
(vielmi-vielmi čorny humar)