Machlary prydumali novuju salidnuju arhanizacyju, ad imia jakoj mohuć telefanavać
U milicyju źviarnułasia 70‑hadovaja žycharka stalicy, jakaja stała achviaraj telefonnych machlaroŭ, paviedamlaje telehram-kanał «Milicyja Minska».
Žančynie patelefanavali nieviadomyja, jakija pradstavilisia supracoŭnikami piensijnaha fondu, i paviedamili pra pamyłku pry naličeńni piensii. Pad vyhladam udakładnieńnia danych jany pierakanali piensijanierku paviedamić pašpartnyja źviestki, a zatym pradyktavać SMS-kod.
Praź niekatory čas u miesiendžary joj patelefanavaŭ užo inšy mužčyna, jaki pradstaviŭsia supracoŭnikam DFR. Jon zajaviŭ, što źviestki žančyny nibyta vykarystali machlary dla adkryćcia rachunku i pieravodu hrošaj na złačynnyja mety.
Piensijanierku zapałochali kryminalnaj adkaznaściu i praviadzieńniem pieratrusu, paśla čaho pierakanali «zadekłaravać» usie aščadžeńni.
Žančyna pieradała kurjeru bolš za 17 tysiač dalaraŭ, skazaŭšy kodavuju frazu «pivonia».
Apieratyŭniki ŭstanavili i zatrymali 17‑hadovaha studenta. Pa ŭkazańni kurataraŭ jon zabraŭ hrošy ŭ paciarpiełaj i pakinuŭ skrutak u tajniku na terytoryi Pieršamajskaha rajona. Adnak da momantu prybyćcia milicyi hrošaj tam užo nie było.
Padletak sam raniej staŭ achviaraj anałahičnaj schiemy i dziejničaŭ pad ciskam iłžesiłavikoŭ.
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary