Vyjšła čarhovaja kniha z seryi "Kniharnia "Naša Niva".
Piečanko Siamion. U biełaruskim vojsku: Padarunak pryzyŭniku. — Vilnia: Instytut biełarusistyki, 2007. — 72 s. — (Kniharnia "Naša Niva").
Uśled za padarožnaj i žanočaj, u seryi «Kniharnia «Naša Niva» źjaviłasia vajskovaja kniha. Jejny aŭtar — žurnalist «NN» Siamion Piečanko. U 2003-2004 hh. Siamion słužyŭ u adnoj z vajskovych čaściej Navahradka. U vyniku słužby j naradziłasia cełaja kniha, vybranyja častki jakoj drukavalisia na staronkach hazety.
Aŭtar biez prycharošvańniaŭ i ačarnieńnia raskazvaje pra realii siońniašniaha vojska, jakoje jašče nie paśpieła pieratvarycca ŭ eŭrapiejskaje, ale ŭžo i nie savieckaje, raskazvaje pra prostyja rečy, ź jakimi štodnia sutykajucca žaŭniery. Prysiaha, vajskovyja stałoŭki i pošta, medycyna, narady i narešcie doŭhačakany dembiel. Usio heta znajšło adlustravańnie ŭ knihi.
Siamion Piečanko piša: «Amal kožny, chto pakaštavaŭ sałdackaha chleba, navat praz hady nia moža pazbavicca ad uspaminaŭ pra vojska. Niezaležna ad taho, ci spadabałasia jamu tam, ci niemahčyma było pryčakać apošniaha dzianiočka. Maja «nastalhija» vyliłasia ŭ voś hetyja, nadrukavanyja ŭ «NN», natatki. Heta nie pavučańnie kštałtu «chto nie słužyŭ – toj nie pacan». Budu rady, kali hetaja knižyca ŭ niečym dapamoža tym, kamu los - pasłužyć u vojsku».
Kniha maje zručny kišenny farmat. Pradmova Siarhieja Bałachonava. Najlepšy padarunak dla tych, kaho letam čakaje pryzyŭ. I naohuł usim, chto lubić čytać pa-biełarusku.
Šukajcie ŭ niezaležnych raspaŭsiudnikaŭ i kniharniach.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie16
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary