Błahoje vychavańnie Pedra Almadovara
Na teleekranie – “Błahoje vychavańnie” Pedra Almadovara.
Błahoje vychavańnie (Mala educacion / Bad Education)
Hišpanija, 2004, kalarovy, 105 chv.
Režyser: Pedra Almadovar
Roli vykonvajuć: Hael Harsia Bernal, Fele Martynes, Daniel Chimenes Kača, Łuis Chomar, Francyska Bojra, Chaŭjer Kamara, Pietra Martynes, Načo Peres
Žanr: Drama
Adznaka: 6,5 (z 10)
Da režysera Enrykie (Fele Martynes) traplaje scenar, jaki raspaviadaje… pra jahonaje ŭłasnaje dziacinstva ŭ katalickaje škole. Čałaviek, jaki prynies scenar – i pretenduje na hałoŭnuju rolu (Hael Harsia Bernal), nazyvaje siabie starym siabram Enrykie. Ale nieznajomy zusim nia toj, za kaho siabie vydaje…
Korstkaja almadovaraŭskaja historyja z hiejami, transseksuałami – i zabłytanymi luboŭnymi šmatkutnikami, ź jakich staranna vydaleny ŭsie žančyny.
Padstanoŭki, padmieny, detektyŭnyja žarści, kabaretnyja numary j spasyłki na film-nuar. Chitrapazaplecieny, niečakany, skandalny siužet (što charakterna dla Almadovara). Na ekranie źźjaje Hael Harsia Bernal u mužčynskaj (i žanočaj) ipastasiach.
Ale za aktorskimi histerykami i piarčynkaju – nia stolki žarści, niapravilnaści j šał, jak u rańnich karcinach hišpanskaha režysera.
Na ekranie chałodnaja prafesijnaść – i niebłahoje kinavychavańnie režysera, jaki ŭvajšoŭ u hišpanski isteblišment.
Kamientary