Trahiedyja ŭ Bransku: dziciačy vazok pravaliŭsia ŭ kalektar — dzicia zahinuła
Pad 26-hadovaj žančynaj pravalilisia chodniki.
Paŭtarahadovaje dzicia zahinuła ŭ Bransku paśla taho, jak jaho vazok pravaliłasia ŭ kanalizacyjny kalektar z-za raptoŭnaha pravału tratuarnaj plitki.
U niadzielu dniom pad žančynaj, jakaja hulała na adnoj z vulic Branska ź dziciačym vazkom, abrynulisia chodniki, pad jakimi znachodziŭsia kanalizacyjny kalektar.
Jak pieradaje RIA Novosti, trahiedyja adbyłasia pamiž navahodniaj jełkaj i pomnikam lotčykam (źniščalniku, ustanoŭlenamu na stele).
26-hadovaja žančyna zdoleła vyratavacca. «Žančyna zdoleła ŭchapicca za kraj pravału, što vyratavała joj žyćcio. Dzicia razam z kalaskaj zaciahnuła ŭ kalektar», — cytuje ahienctva paviedamleńnie Branskaha ŭpraŭleńnia ŭnutranych spraŭ.
Zatym na miesca zdareńnia prybyli vyratavalniki, u tym liku muž paciarpiełaj, jaki pracuje ŭ palicyi i ŭ toj dzień znachodziŭsia na słužbie. Jak paviedamlaje RIA Novosti, jon pry dapamozie viaroŭki spuściŭsia ŭ jamu i vyciahnuŭ svaju žonku na pavierchniu.
Dzicia šukali niekalki hadzin, ale zatym vyjavili jaho miortvym.
«Pry padzieńni dzicia vykinuła z kałyski i paniesła padziemnaj płyńniu, maci dziciaci ŭdałosia vyratavać», — pieradaje Interfaks zajavu Śledčaha kamiteta.
Pravaachoŭnyja orhany ŭžo raspačali kryminalnuju spravu pa artykule «pryčynieńnie śmierci pa nieaściarožnaści z pryčyny nievykanańnia asobaj svaich prafiesijnych abaviazkaŭ».
Pa słovach aficyjnaha pradstaŭnika Śledčaha kamiteta Rasii Uładzimira Markina, «adnoj z mahčymych pryčyn abvalvańnia źjavilisia parušeńni, dapuščanyja pry budaŭnictvie kalektara».
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary