Dźmitryj Lepretar, advakat asudžanaha da vyšejšaj miery pakarańnia Dźmitryja Kanavałava, maje namier abmierkavać z padabaronnym pytańnie padačy prašeńni ab pamiłavańni na imia Łukašenki, paviedamiŭ BiełaPAN.
Jak rastłumačyŭ abaronca, prašeńnie pavinna być napisana asabista asudžanym.
Lepretar raspavioŭ, što sustrakaŭsia z Kanavałavym paśla abviaščeńnia prysudu, adnak ab čym išła razmova na sustrečy, havaryć admoviŭsia, spasłaŭšysia na advakackuju tajamnicu.
Abaronca taksama paviedamiŭ, što pavinna adbycca jak minimum jašče adna jaho sustreča z Kanavałavym. Na hetaj sustrečy Lepretar maje namier abmierkavać varyjanty abskardžańnia prysudu -- abskardžańnie mahčymaje ŭ nahladnym paradku.
U nahladnym paradku razhladajecca rašeńnie suda, jakoje ŭstupiła ŭ zakonnuju siłu. Skarhu asudžany i jaho advakat musiać skiravać na imia staršyni Viarchoŭnaha suda, a razhladać jaje budzie prezidyum abo plenum VS. Ale, u adroźnieńnie ad kasacyjnaj skarhi, nahladnaja moža i nie być pryniataja da razhladu: heta budzie vyrašać staršynia Viarchoŭnaha suda.
-
Brytanija 25 hadoŭ nie moža departavać biełarusa — toj chłusić biełaruskim uładam, što jon nie svoj. I jany nie zabirajuć jaho dadomu
-
Vyvučyŭ vosiem movaŭ, ažaniŭsia i staŭ doktaram u Barysavie — historyja miedyka z Turkmienistana
-
Ministr abarony Litvy pra list Zialenskaha: Naiŭna čakać, što Pucin prosta voźmie i adstupić
Kamientary