Palicyja zasyłaje ŭ mafiju svajho ahienta. U svaju čarhu, kryminalny bos maje siarod palicejskich svajho infarmatara. Adstupniki musiać vyličyć i źniščyć adzin adnaho...
Adstupniki (The Departed).
ZŠA, 2006, kalarovy, 149 chv.
Žanr: kryminalny trymcieńnik.
Adznaka: 6,5 (z 10).
Palicyja zasyłaje ŭ mafiju svajho ahienta. U svaju čarhu, kryminalny bos maje siarod palicejskich svajho infarmatara. Adstupniki musiać vyličyć i źniščyć adzin adnaho...
Choć karcina «Adstupniki» – paŭtor hankonskaje stužki «Padvojnaja rakiroŭka» – heta typovy film Skarseze z apantanaj aktorskaj ihroj i cikavaściu da nervovaje transcendencyi.
Kožny z hierojaŭ – adstupnik dla svajoj siamji. Bili Kostyhan irvie z kryminalnymi svajakami, kab pracavać na palicyju, a Kolin Salivan ź biezdakornaj reputacyjaj – najlepšy ahient mafii. Sproba vyrvacca z asiarodździa zaviaršajecca hvałtam, kulami j rasstrełam.
Aktory ŭ filmach Skarseze pieraŭzychodziać sami siabie. Dy Kapryjo hraje ŭ režysera najlepšyja svaje roli («Avijatar», «Bandy Ńju-Jorku»), a jahony Bili Kostyhan – nervovy, zackavany, ź nieadolnaju prahaj sarvać ź siabie abrydłuju masku. Met Dejman – chłus-kanfarmist z hienijalnaj finalnaj frazaj.
A što da Džeka Nikałsana, dyk mafijoznaha bosa nichto b nie syhraŭ lepiej ad halivudzkaha błazna-spakušalnika.
Na praciahu amal troch hadzinaŭ ad ekranu niemahčyma adarvacca. Ale dla Skarseze – karcina zanadta ramieśnickaja. A dla masavaje publiki – zanadta hłybokaja j cyničnaja.
Ciapier čytajuć
«Adny vierać, što viernucca, inšyja — nie». Jak pracuje biełaruskaja škoła ŭ Polščy1
Kamientary