Viciebski čynoŭnik bje tryvohu pra narastańnie rusafobii ŭ Biełarusi.
Viciebski čynoŭnik bje tryvohu pra narastańnie rusafobii ŭ Biełarusi.
Načalnik adździeła pa spravach moładzi ŭ Viciebsku Andrej Hieraščanka ŭ lutym prasłaviŭsia dziakujučy skandalnamu intervju pra štučnaść biełaruskaj movy i kultury. Čynoŭnik pa-raniejšamu pracuje ŭ administracyi Kastryčnickaha rajona Viciebska. I praciahvaje rabić zajavy.
1 kastryčnika čynoŭnik, jaki pa sumiaščalnictvie staršyniuje ŭ hramadskim abjadnańni «Russkij dom», vystupiŭ u Minsku na kanfierencyi rasijskich suajčyńnikaŭ. Hieraščanka zajaviŭ, što na tle «paharšeńnia rasijska-biełaruskich adnosin, i składanaściaŭ asabistych kantaktaŭ kiraŭnikoŭ Rasiei i Biełarusi nacyjanalistyčnyja koły ŭnutry Biełarusi pačali kampaniju pa «ŭkrainizacyi» Biełarusi z usim ułaścivym hetamu pracesu bukietam — rusafobii, suvierenizacyjaj i razvarotam Biełarusi ŭ bok Jeŭrasajuza». Jon dadaŭ, što hetyja pracesy pačalisia nie siońnia i nahadaŭ pra padziei lutaha, kali paśla jahonaha intervju suprać jaho «była razhornutaja ahresiŭnaja kampanija ckavańnia i pieraśledu». Čynoŭnik zajaviŭ, što dziakujučy padtrymcy šerahu fondaŭ, internet-resursaŭ i pasolstvu RF u Biełarusi jon «atrymaŭ maralnuju pieramohu nad nacyjanalistami». Adnak, čynoŭnik nie vyklučaje, što «sprava Hieraščanki» atrymaje praciah u samy bližejšy čas».
Hieraščanka nahadaŭ, što ŭ śniežni ŭ jaho zakančvajecca kantrakt, a tamu hetym mohuć skarystacca. Jon zajaviŭ taksama, što niamała prarasiejskich palitykaŭ, analitykaŭ, žurnalistaŭ i hramadskich dziejačaŭ stracili pracu i adčuli na sabie cisk z boku «nacyjanalistyčnych elemientaŭ». Adnak imiony «achviaraŭ» čynoŭnik nie ahučyŭ.
Hieraščanka bje tryvohu: «Nacyjanalisty, vykarystoŭvajučy ciapierašniaje paharšeńnie rasijska-biełaruskich uzajemaadnosin, razharnuli mahutnaje nastupleńnie na prarasiejskich hramadskich dziejačaŭ, imknučysia pierachapić inicyjatyvu, zhublenuju imi paśla prajhranaha refierendumu 1996 hoda, kali rasiejskaja mova zdabyŭ status dziaržaŭnaj (nasamreč, Haniebny refierendum, jaki zamacavaŭ dvuchmoŭje, adbyŭsia ŭ 1995 h. — nn.by).
Čynoŭnik zhadaŭ pra aktyŭnaść polskaj mienšaści («Polšča adkryła ŭ Biełarusi bolš za 40 polskich damoŭ — ustanoŭ kultury, jakija akazvajuć surjozny ŭpłyŭ na etnakulturnych situacyju»). Pry hetym jon ličyć nieabchodnym stvareńnie «adpaviednych rasijskich kulturnych ustanovaŭ, kab zabiaśpiečyć raźvićcio i zachavańnie miascovaj rasijskaj kultury».
Hieraščanka apieluje da Łukašenki: «Kali ž budzie praciahvacca vidavočnaja i prychavanaja rusafobija, stohny pra «pahrozy z Uschodu» i zakliki da maksimalnaj «suvierenizacyi», ni da čaho dobraha heta nie pryviadzie. Dumaju, heta razumieje i dziejučy prezident A. R. Łukašenka».
Nahadajem, što skandalnyja zajavy staršyni «Russkoho doma» vyklikali rezkuju reakcyju jak niezaležnaha hramadstva, tak i aficyjnych asob. Čynoŭniku paraili zvolnicca, ale jon dahetul praciahvaje pracavać na dziaržaŭnaj pasadzie.
Kamientary