Dekadenckaje kabare, biełaruskaje kino, śpiektakl pavodle Charmsa

U Pałacy mastactvaŭ (Kazłova, 3) praciahvajecca tradycyjny fest sučasnaha mastactva «DACH» 5 samych cikavych imprezaŭ druhoha tydnia fiestyvalu sučasnaha mastactva «Dach».

Sioletni fest prachodzić pad kodavym nazovam MAGEIA CEREBRUM («Ciomnyja tajamnicy mozhu»). Raściahnuty na ceły miesiac fiestyval znajomić naviednikaŭ z tvorčaściu tych mastakoŭ, jakija ekśpierymientujuć sa słovam, hukam, žestam, farbaj. Muzyki, litaratary, pierformiery i teatralnyja supołki čarhujucca bieśpierapynna…

NN padaje anonsy samych cikavych imprezaŭ druhoha tydnia fiestyvalu:

Pavialičyć

22 lipienia, čaćvier. Rasijskaje kino. Dypłomnyja pracy dziaržaŭnaha Sankt-Pieciarburhskaha Univiersitetu kino i telebačańnia. Pačatak, a 16. Potym nas čakaje lekcyja «Prablemy sučasnaha maładziovaha kino». Čytajuć lekcyju rasijskija kiniematahrafisty Ilja Sievieraŭ i Nikita Raždzieśvienski, a potym pakazvajuć svoj karatkamietražny film «Biezdań»(2009). Kali doŭha hladziecca u biezdań, dyk biezdań zazirnie ŭ ciabie — Historyja pieršaj rasijskaj revalucyi chutka i dakładna.

23 lipienia. Piatnica. Biełaruskaje kino.

Śpiarša amatarskaje: Konkursnyja pracy, padadzienyja na konkurs amatarskaha filma D.I.Y.-videa: Zaśniataje na mabiłku, focik, chendzik, veb-kameru…. Toje što čaplała maładych biełarusaŭ za apošnija 5 hadoŭ. Pačatak, a 15.

Prykład choŭ-mejd videa z konkursu:

I prafiesijnaje. Retraśpiektyva kłasika biełaruskaha kiniematohrafa, režysiora Valeryja Rubinčyka, stužka «Vianok Sanietaŭ» (1976), film pra vajnu, ale pa-rubinčykaŭsku šmatznačna i mietafaryčna. Pačatak, a 19.

Pavialičyć

23 lipienia. Śpiektakl «ZvanićLotać»

«Svabodny teatr» z Brestu pastaviŭ śpiektakl pavodle nu, nijak jazyk nie pavaročvajecca skazać savieckaha — piśmieńnika Daniiła Charmsa. Bieručy pad uvahu Charmsavyja ŭźvivy fantazii — budzie absurdna i viesieła. Stylistyku śpiektakla vyznačyli 30-yja hady i horad Leninhrad (Sankt-Piejacburh), u jakim žyŭ i tvaryŭ majstar. ZvanićLotać» — letapis kvaternych i vuličnych zdareńniaŭ u vialikim horadzie. Hieroi — maski, sacyjalnyja archietypy. Pastanoŭku supravadžaje arkiestr: fahot, akardeon, bubny. Pačatak, a 18.

Pavialičyć

25 ijula, niadziela. Pastanoŭka «Ateła», «Kabare Matyldy Štor».

KMŠ — biełaruski dekadans. Impazantnyja litaratary Viera Burłak, Viktar Žybul i Maksim Iŭkin vykonvajuć aryhinalnyja prypieŭki, vieršy. Siabie ličać naŭprostavymi spadkajemcami adeskich kupletystaŭ, stvaralnikaŭ kabackich pieśniaŭ i maestra Viarcinskaha. Dyzajn vyšukanych strojaŭ kabaretjeraŭ zrabiła Nastaśsia Vołkus. Maŭr źjavicca, a 16–30.

Pavialičyć

26 lipienia, paniadziełak. Biełaruskaje dakumientalnaje kino.

Sustreča z režysioram Uładzimiram Marozam. Jon pakaža svaje dakfilmy: «Pad kryłom Anioła» i «Mifałahiemy Rodzina». Filmy pryśviečany mastakam Uładzimiru Saviča i Alesiu Rodzinu adpaviedna. Aŭtar robić sprobu dałučycca da tajny tvorčaści, dakranucca da ŭnutranaha śvietu majstra. Pačatak, a 19.

• 0
• 0
• 0
• 0
• 0
• 0
• 0
• 0