Łukašenka: Fiule nie kranaŭ demakratyzacyi i inšych śmiardziučych pytańniaŭ
Jeŭrakamisara Łukašenka nazvaŭ «absalutna prahmatyčnym» i «prystojnym čałaviekam».
Jeŭrakamisara Štefana Fiule, jaki znachodziŭsia ŭ Minsku 8–9 lipienia, Łukašenka nazvaŭ «absalutna prahmatyčnym» i, na jaho dumku, «prystojnym čałaviekam».
«My abmiarkoŭvali šerah pytańniaŭ.
Dziakuj bohu, my nie zakranuli ni pytańni palityki hetaj, ni demakratyzacyi i h.d. My zakranali pytańni pracy Uschodniaha partniorstva.I ja lišni raz padkreśliŭ, što, niahledziačy na našy adnosiny z Rasijaj, my nie budziem vybudoŭvać tut palityku suprać Rasii. Ni ŭ jakim vypadku! Usio heta časova, usio heta schłynie. Rasija bolš za nas baicca zhubić Biełaruś, čym my — Rasiju. Z kim jana zastaniecca tady ŭvohule? Tamu my ŭsio heta cudoŭna razumiejem. Jość žadańnie nachilić, adstroić. Nie atrymajecca», — zajaviŭ Łukašenka.
Pavodle jaho słoŭ, hałoŭnymi pytańniami na sustrečy ź Fiule byli vizavy režym («čym našy hramadzianie zavinavacilisia pierad vami?») i zona svabodnaha handlu («čamu vy błakujecie našy tavary, my ž vašy nie błakujem»).
«Voś u takim rečyščy išła sumlennaja, ščyraja razmova. Jon mianie zrazumieŭ», — skazaŭ biełaruski kiraŭnik.
«My nie bačyli tam [va Uschodnim partniorstvie — NN] tolki składnika ekanamičnaha, — skazaŭ jon taksama. — Ale
my kateharyčna byli suprać taho, kab nam jašče va Uschodnim partniorstvie, dzie spravaj treba zajmacca, padkidvali pytańni demakratyi, jašče jakijaści, nu, tyja śmiardziučyja pytańni, jakija zaŭsiody nam padkidvajuć».
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary