Ministr abarony Litvy: Pucinu patrebna novaja pieramoha, i jon hladzić na krainy Bałtyi i Polšču
Pakolki Rasija nie zdolnaja atrymać pieramohu ŭ vajnie suprać Ukrainy, Kreml šukaje alternatyŭny varyjant pieramohi i ciapier razhladaje Bałtyjski rehijon i Polšču jak najbolš vierahodnuju nastupnuju metu.
Pavodle słoŭ ministra abarony Litvy, vajna va Ukrainie raźvivajecca nie tak, jak płanavała Rasija. Rasijanie nie mohuć pieramahčy, a vybuchi siońnia ŭžo adbyvajucca na terytoryi samoj Rasii, pry hetym nazirajecca deficyt paliva. Rasijskaje hramadstva, padkreśliŭ jon, užo stavić pad sumnieŭ režym Kramla, pytajučysia, čamu heta adbyvajecca i dzie abiacanaja pieramoha, piša «Ukrainskaja praŭda».
«Kramlu, Pucinu, patrebna novaja eskałacyja, niejkaja novaja pieramoha, i ŭ hetym vypadku najbližejšaj metaj źjaŭlajucca Bałtyjski rehijon i Polšča», — skazaŭ jon.
Jaho zajava prahučała paśla taho, jak prezident Litvy Hitanas Naŭsieda ŭ intervju ahienctvu BNS paćvierdziŭ paviedamleńni, jakija niekalki tydniaŭ tamu źjavilisia ŭ zamiežnych ŚMI. Pavodle ich, Rasija płanavała pravakacyi ŭ Polščy abo krainach Bałtyi, kab pravieryć adzinstva NATA.
Pavodle słoŭ prezidenta, takaja acenka hruntujecca na raźviedvalnych danych i datyčycca mahčymych rasijskich atak na krytyčnuju infrastrukturu ŭ rehijonie, jakija mohuć być ździejśnieny jak z vykarystańniem zvyčajnych vajskovych srodkaŭ, tak i z dapamohaj tak zvanych hibrydnych mietadaŭ.
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary