«Heta było niečakana. My ŭsie šakavanyja takim rašeńniem», - kaža Andrej Pačobut.
Anžalika Borys, staršynia niezaležnaha Sajuza palakaŭ Biełarusi, u subotu 12 červienia abviaściła pra namier pakinuć pasadu staršyni arhanizacyi. Heta adbyłosia na schodzie łakalnych aktyvistaŭ.
Namieśnik staršyni SPB, Andrej Pačobut, raspavioŭ «NN», što heta stała poŭnaj niečakanaściu dla siabroŭ SPB.
«Heta było niečakana. My ŭsie šakavanyja takim rašeńniem.
Zaraz aktyvisty źbirajucca prasić Anžaliku Borys zastacca na pasadzie staršyni», — paviedamiŭ A.Pačobut.
U suviazi z rašeńniem Anžaliki Borys, jakaja matyvavała jaho važnymi asabistymi pryčynami, u najbližejšuju subotu — 19 červienia — adbudziecca schod Rady arhanizacyi. U tym vypadku, kali spadarynia Anžalika nie źmienić svajho rašeńnia, na schodzie płanujecca vyrašyć pytańnie pryznačeńnia vykanaŭcy staršyni SPB.
U adpaviednaści sa statutam arhanizacyi, v.a. staršyni budzie zajmać hetuju pasadu da kanca terminu svajho papiarednika. U hetym vypadku jašče 2,5 hady. U SPB pakul nie śpiašajucca nazyvać imia mahčymaha pierajemnika.
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno18
Kamientary