Na markietpłejsach stali pradavać pryhožyja raśliny, stvoranyja niejrasietkami. Jak abaranicca?
Machlary pačali vykarystoŭvać štučny intelekt, kab padmanvać ludziej pry prodažy nasieńnia i sadžancaŭ. Jany stvarajuć pryhožyja, ale nierealnyja vyjavy raślin — naprykład, siniuju malinu, viasiołkavuju kłubniku, «kavunovyja hrušy» abo kvietki niezvyčajnych koleraŭ, jak sinija ružy ci biruzovyja narcysy. Choć nasamreč takich raślin u pryrodzie nie isnuje, bo ŭ ich niama patrebnych hienaŭ dla takoha koleru, piša sb.by.
Patencyjnyja kupcy, pabačyŭšy jarkuju rekłamu, zakazvajuć sabie hetyja nasieńnie abo sadžancy, ale ŭ vyniku atrymlivajuć zvyčajnyja raśliny. Ludzi traciać hrošy i čas, dahladajučy ich i čakajučy niezvyčajnaha ŭradžaju, jakoha nie budzie.
Śpiecyjalisty rajać być aściarožnymi z takimi prapanovami. Pierad kuplaj nasieńnia treba praviarać pradaŭca, čytać vodhuki i źviartać uvahu na padazrona «fantastyčnyja» apisańni tavaraŭ. Taksama rekamiendujecca praviarać tavar pry atrymańni i ŭvažliva hladzieć na ŭpakoŭku.
Jość važny momant: nasieńnie i raśliny zvyčajna nielha viarnuć, kali ŭpakoŭka ŭžo adkrytaja. Tamu kali jość sumnieńni, lepš nie adkryvać jaje adrazu. Kali vyśvietliłasia, što infarmacyja pra tavar była iłžyvaja, treba pisać pretenziju pradaŭcu. U niekatorych vypadkach možna źviarnucca ŭ arhanizacyi pa abaronie pravoŭ spažyŭcoŭ i navat pasprabavać vyrašyć pytańnie praz sud.
Kali tavar dasyłajuć pa pošcie, rajać fiksavać jaho stan na fota abo videa pry raspakoŭcy — heta moža dapamahčy ŭ vypadku sprečki.
Uvohule ž hałoŭnaja parada — nie vieryć zanadta pryhožym i niezvyčajnym abiacańniam i ŭvažliva praviarać pradaŭcoŭ, kab nie stać achviaraj padmanu.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra4
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary