Alaksandru Milinkieviču patrabujecca ekstrannaja dapamoha

«Darahija, siabry. My prosim vašaj padtrymki dla Alaksandra Milinkieviča», — napisała Ina Kulej u fejsbuku.

Piać miesiacaŭ tamu, 24 listapada, Alaksandr pa ŭłasnym rašeńni pryjšoŭ u špital na płanavuju apieracyju. Padstavaj stała tamahrafija, jakaja pakazała, što pravaja šyjnaja arteryja była zakrytaja trombam na 80 pracentaŭ. Daktary nastojliva raili nie adkładać apieracyju, bo ŭ luby momant tromb moh adarvacca — z fatalnymi nastupstvami. I Alaksandr pryniaŭ hetaje niaprostaje rašeńnie, davieryŭšysia śpiecyjalistam.

25 listapada apieracyja była praviedzienaja. Ale jaje nastupstvy byli nie takimi, jak my ŭsie spadziavalisia. U Alaksandra zdaryŭsia aciok mozhu. Try tydni Alaksandr znachodziŭsia ŭ intensiŭnaj terapii — pamiž žyćciom i śmierciu. Z Božaj dapamohaj i dziakujučy vašym malitvam jon vyžyŭ.

Potym pačalisia doŭhija miesiacy baraćby ź infiekcyjami, jakimi, na žal, poŭnyja špitali i jakija asabliva niebiaśpiečnyja dla ludziej z asłablenym imunitetam. Zapaleńnie lohkich, infiekcyja kišečnika, znoŭ zapaleńnie lohkich… Nie kožny zmoh by vytrymać takuju ataku, ale Alaksandr vytrymaŭ. Byli miesiacy lačeńnia: spačatku ŭ adździaleńni nieŭrałohii, potym u reabilitacyi, paśla — u śpiecyjalizavanym lačebna-reabilitacyjnym centry.

Levaja častka mozhu, jakaja adkazvaje za intelekt, maŭleńnie i pamiać, nie paciarpieła.

Pravaja — taja, što adkazvaje za ruch atrymała paškodžańni: nie pracuje levaja ruka, drenna słuchajucca nohi. Dla čałavieka aktyŭnaha, ruchavaha, poŭnaha enierhii, jakim zaŭsiody byŭ Alaksandr, uśviedamlać, što siońnia jon lažačy chvory, — vielmi ciažkaje vyprabavańnie. Ale moj muž — nadzvyčaj mocny ducham čałaviek. I hety duch padtrymlivaje kožny z vas: tyja, chto dasyłaje słovy padtrymki, matyvujučyja videa, pytajecca pra jaho zdaroŭje, vinšuje sa śviatami, prosta pamiataje pra nas. Ad usiaho serca dziakuju i nizka kłaniajusia kožnamu, kamu nieabyjakavy los Alaksandra, chto padtrymlivaje nas słovam, malitvaj, dapamohaj i spravaj.

Na žal, Alaksandr zastajecca nośbitam patahiennych bakteryj, jakija mohuć aktyvizavacca ŭ luby momant. Tamu jon pakul nie moža viarnucca dadomu — jamu nieabchodnyja pastajanny nahlad daktaroŭ i intensiŭnaja reabilitacyja. Usio heta kaštuje hrošaj. Jak i mnohija z vas, my nie možam viarnucca na Radzimu. Naš dom u Bierštach paśla vobšukaŭ apiačatany, zaviedziena kryminalnaja sprava. My nie atrymlivajem ni biełaruskich, ni polskich piensij i žyviom tolki na toje, što možam zarabić sami. Kali my byli zdarovyja i pracavali ŭdvuch, nam chapała na dastojnaje žyćcio. Ciapier usio źmianiłasia.

Arenda žylla, apłata reabilitacyjnaha centra, leki, transpartnyja vydatki, kab štodnia dabiracca da muža ŭ špital, — usio heta ŭžo vychodzić za miežy našych mahčymaściaŭ. Tamu ja źviartajusia da vas, siabry, z prośbaj ab dapamozie. Ja vielmi vieru ŭ siłu našaj salidarnaści, u siłu tałaki, u čałaviečuju dabryniu.

Vieru, što kali Boh zachavaŭ Alaksandru žyćcio, to my pavinny zmahacca za jaho dalej.

I ščyra vieru, što śviata — jašče napieradzie», — napisała jana.

Kab dapamahčy, treba kala 30 tysiač jeŭra (120 tysiač złotych)

Dapamahčy praz Zrzutka.pl

albo

dapamahčy praz PayPal

albo

INNA KULEY

23 1090 2851 0000 0001 1108 1575

IBAN PL23 1090 2851 0000 0001 1108 1575

KOD SWIFT WBKPPLPP

Adras banka: 

Al. Jana Pawła II 17

00‑854 Warszawa

• 6
• 0
• 0
• 1
• 0
• 22
• 0
• 3