U baćkoŭ dvuch čałaviek, jakija majuć dačynieńnie da redakcyi vydańnia «Fłahštok», HUBAZiK pravioŭ pieratrusy
Jak piša vydańnie, adzin z hubazikaŭcaŭ adkryta zajaviŭ, što padobnyja dziejańni buduć praciahvacca da taho času, pakul na resursie buduć vychodzić novyja publikacyi.
Učora, 19 traŭnia, u Biełarusi adbylisia pieratrusy ŭ baćkoŭ dvuch čałaviek, jakija majuć dačynieńnie da homielskaha niezaležnaha vydańnia «Fłahštok».
«Redakcyja razhladaje hetyja dziejańni siłavych struktur u kantekście padziej apošnich hadoŭ — z 2022 hoda Homielskaja vobłaść apynułasia ŭciahnutaj u vajskovuju aktyŭnaść u suviazi z vajnoj Rasii suprać Ukrainy. Nie vyklučana, što na fonie mahčymaj eskałacyi situacyi adbyvajecca sproba zahadzia začyścić infarmacyjnuju prastoru ad niezaležnych i niepadkantrolnych miedyja», — havorycca ŭ zajavie vydańnia.
Redakcyja dadaje, što «Fłahštok» — heta nie adzin i nie dva čałavieki. Za šeść hadoŭ pracy vakoł miedyja sfarmavałasia vialikaja kamanda. Chtości pakinuŭ prajekt, dałučylisia novyja ludzi, i kamanda praciahvaje rehularna abnaŭlacca i raźvivacca.
Niekatoryja z zasnavalnikaŭ užo daŭno praciahvajuć svoj šlach i paśpiachova realizujuć siabie niezaležna ad «Fłahštoka».
«Tamu cisk na kankretnych ludziej moža razhladacca tolki jak čarhovaja sproba zapałochvańnia i cisku na niezaležnyja miedyja ŭ Biełarusi», — piša vydańnie.
Homielskaje miedyja «Fłahštok» paŭstała ŭ 2020 hodzie dziakujučy hramadskaj inicyjatyvie, jakaja vystupiła suprać budaŭnictva ŭ Homieli 60‑miatrovaha fłahštoka za paŭmiljona dołaraŭ. I chacia kanstrukcyja ŭsio ž taki źjaviłasia, žychary Homielščyny atrymali niezaležnaje vydańnie, jakoje aśviatlaje rezanansnyja padziei rehijona i robić žurnalisckija rasśledavańni.
U vyniku pratesny prajekt urbanistaŭ pieratvaryŭsia ŭ paśpiachovaje vydańnie z ekskluzivami i insajdami pra Homiel i vobłaść.
-
Bolš za 60 čałaviek zatrymanyja paśla kancerta Maksa Karža ŭ Frankfurcie-na-Majnie. Sa sceny śpiavak zaklikaŭ spynić vajnu va Ukrainie
-
Ryžankoŭ spadziajecca na paciapleńnie adnosin z Polščaj
-
Protaijerej Andrej Lemiašonak paskardziŭsia na pravierki. I nazvaŭ pajezdki manašak Śviata-Jelisaviecinskaha manastyra pa Jeŭropie «hieraičnymi»
Kamientary
[Zredahavana]