Siońnia razryŭ tempieratur miž paŭnočnym zachadam i paŭdniovym uschodam składaŭ bolš za 11 hradusaŭ. Nadvorje na zachadzie i poŭnačy krainy było prosta raskošnaje.
Źviarnicie ŭvahu: na poŭnačy Biełarusi siońnia a 15:00 było našmat ciaplej, čym na poŭdni. U Połacku +24°, a ŭ Horadni — usie 25.
Pryčyna — u cyrkulacyi antycykłonu z centram nad Paŭnočnaj Italijaj. Pa jaho zachodniaj i paŭnočna-zachodniaj pieryfieryi da nas mknie ciopłaje pavietra z Paŭdniovaj i Centralnaj Jeŭropy (pa hadzińnikavaj strełcy, jak i naležyć u antycykłonie).
U vyniku poŭnač krainy apynułasia ŭ zonie bolš intensiŭnaj adviekcyi ciapła, tady jak poŭdzień — na prachałodnaj pieryfieryi.
A ci nadoŭha nam takoje majskaje ščaście, ad jakoha raśćvituć ciulpany, čaromcha i bez?
Jak prahnazuje telehram-kanał @nadvorie, antycykłon utrymaje ŭ Biełarusi łaskavuju pahodnaść z tempieraturami ažno +24..+27° prykładna da aŭtorka, 5 maja. Paśla hetaha na terytoryju krainy maje pryjści chałodny front. Pavodle prahnozu ECMWF, jon padzielić Biełaruś prykładna napałovu, umoŭna pa linii Hrodna—Minsk—Viciebsk.
Na poŭdzień ad frontu jašče na paru dzion zachavajecca ciopłaja pavietranaja masa z tempieraturaj kala +25°. Na poŭnač pačnie napłyvać śviežavataje pavietra z Bałtyki, i tam stanuć całkam kamfortnyja +15..+18°. Na froncie ŭ druhoj pałovie dnia budzie raźvivacca kanviekcyja ź liŭniami i navalnicami.
6 maja z terytoryi Polščy zrušycca cykłon «N1». Na paŭnočnuju pałovu Biełarusi ŭviečary i ŭnačy jon pryniasie, imavierna, bolš intensiŭnyja daždžy z navalnicami.
7—8 maja čakajecca vychad z paŭdniovaha zachadu cykłonu «N2». U prahnozach jon vyhladaje bolš mahutnym — z šyrokimi i praciahłymi apadkami.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary