Viadučaj STB namalavali na mašynie pienis — užo druhi raz
Kryścina Suščenia — viadučaja STB i tvar BSB Banka — padzialiłasia abureńniem u instahramie. Hetym razam jana vyrašyła źviarnucca pa dapamohu ŭ milicyju.
Kryścina raspaviała, što ŭčora niechta namalavaŭ na jaje mašynie mužčynski pałavy orhan. Kaža, što šalona razzłavałasia, kali pabačyła šedeŭr.
— Ja padychodžu da mašyny i baču na škle vializny malunak mužčynskaha pałavoha orhana. Nie pieršy raz takoje «mastactva», počyrk ja paznała. Heta značyć, tyja samyja dzieci. Ja pačynaju heta vycirać i tut zaŭvažaju ślady ad krasovak na zadnim bampiery.
Paśla hetaha Kryścina vyrašyła ahledzieć dach i znajšła tam adbitki ruk, a jašče drapiny — viadučaja dumaje, što ich śpiecyjalna zrabili klučami.
— Ja była ŭ šalenstvie. Pa pamiery śladoŭ zrazumieła, što heta było dzicia. Ja nie razumieju, što ŭ hałavie ŭ čałavieka, jaki heta rabiŭ.
Viadučaja napisała zajavu ŭ milicyju — bo adbyłosia takoje ŭžo druhi raz i jana baicca, kab nie adbyłosia treci. Jana spadziajecca, što siłaviki zmohuć znajści dziaciej. Ale adznačaje, što pad kamiery nazirańnia jaje parkovačnaje miesca nie traplaje.
Kryścina maje strachoŭku, ale nie choča kožny raz matacca zafarboŭvać paškodžańni. Tamu choča vyrašyć prablemu hłabalna.
Zaraz Kryścina Suščenia znachodzicca ŭ adpačynku pa dohladzie za dziciem. Paralelna zdymajecca ŭ rekłamie i stała aficyjnym tvaram BSB Banka.
U televizar Kryścina trapiła raniej, čym pastupiła na fakultet žurnalistyki BDU. Da dekreta jana viała na STB naviny, a taksama tok-šou «Vialiki horad» i «Kropki nad i».
Darečy, u 2020 hodzie Kryścina (tady jašče Fiedarovič) ledź nie vyjšła zamuž za «čałavieka-bajana» Vitala Varanko. Artyst, jaki ŭ toj čas pryśviaciŭ pieśniu Łukašenku, zrabiŭ joj prapanovu ruki i serca ŭsiaho praz try miesiacy paśla znajomstva ŭ instahramie.
Adbyłosia ŭsio ŭ navahodniuju noč — Vital znajšoŭ zaručalny piarścionak u vyhladzie karony (z tryma dyjamientami) i pačuŭ «Tak!».
«Kamsamolskaja praŭda», jakaja aktyŭna aśviatlała hetu historyju kachańnia, padkreślivała, što Kryścina ź vielmi bahataj siamji. Letaś, naprykład, Kryścina zaprasiła śpiavać na svoj dzień naradžeńnia rasijskaha artysta Dźmitryja Malikava.
Ale ž u vyniku Kryścina i Vital razyšlisia.
U chutkim časie dziaŭčyna vyjšła zamuž za Jaŭhiena Suščeniu. Ciapier jon viadzie błoh u instahramie jak kasmołah i ahučvaje tam samyja dziŭnyja kanśpirałahičnyja teoryi. Jon, naprykład, śćviardžaje, što čałaviek, jaki zabłukaŭ u lesie, kryčyć «Ahoŭ!», tamu što hetaje słova harmanizuje prastoru vakoł jaho. Siabie mužčyna ścipła nazyvaje «jaŭHJeNIJ z naradžeńnia».
Ciapier u pary napružanyja adnosiny — pra heta Kryścina raskazvała ŭ svaim błohu. A paśla ŭvohule vydaliła ŭsie sumiesnyja fota z mužam ź instahrama.
Viadučaja STB katałasia na rasijskich numarach, jakija niechta prylapiŭ na skotč — i nie viedała pra heta. Cud rastłumačyli ŭ 102
Samaja maładaja zorka biełaruskaj prapahandy paskardziłasia, što niechta naliŭ klej u zamok jaje dźviarej
Ci znajšli nieviadomych, jakija raźbili mašynu deputatki Maryi Vasilevič?
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary