Samaja maładaja zorka biełaruskaj prapahandy paskardziłasia, što niechta naliŭ klej u zamok jaje dźviarej
Maładaja prapahandystka Darja Račko nie zmahła trapić u kvateru pasiarod nočy: čamuści było niemahčyma ŭstavić kluč u zamok. Pra niečakanyja niepryjemnaści dziaŭčyna raspaviała ŭ sacsietkach.
Vierahodna, adbyłosia ŭsio na minułym tydni. Pačałosia z taho, što dziaŭčyna vyrašyła źjeździć u svoj rodny Brest na try dni. Pra hetyja płany jana raspaviała ŭ instahramie.
— Pryjazdžaju ŭ subotu viečaram niedzie kala 12-j. Sprabuju ŭstavić kluč — a jon nie ŭstaŭlajecca. Dumaju: jak cikava — try dni tamu ŭstaŭlaŭsia, a ciapier nijak. Ja paklikała susieda. Kažu: «Słuchaj, nu moža ja ŭžo zusim dura, dapamažy, kali łaska».
Varyjantaŭ u prapahandystki było dva: niechta źmianiŭ zamok abo naliŭ tudy supierklej. Paćvierdziŭsia druhi. U vyniku Račko pryjšłosia terminova vyłomlivać ź dźviarej adzin zamok i mianiać jaho na novy.
— Chto heta zrabiŭ i navošta, ja vyśviatlać nie budu. Niachaj tak i zastajecca. Prosta situacyja cikavaja. My razmaŭlali z maimi kalehami. Jany skazali: «Nu navošta? Prosta lišniuju pracu nam padkinuli».
Darja Račko stała źjaŭlacca ŭ kadry «Biełaruś 1» letam 2021 hoda, kali była studentkaj žurfaka BDU. Spačatku dziaŭčyna była reparcioram u roznych navinach. Ale niadaŭna joj davieryli vieści aŭtarskuju rubryku «Remarka». Leksiku jana vykarystoŭvaje adpaviednuju tonu astatnich prapahandystaŭ: Račko nazyvała kalinoŭcaŭ «harmatnym miasam» i «narkamanami dy ałkaholikami».
Chto jana — samaja maładaja zorka biełaruskaj prapahandy Darja Račko
«Łukašenku lublu ŭsim svaim sercam». Chto takaja Vitalina Pietrusievič, jakaja stała tvaram prapahandysckich filmaŭ mahiloŭskaha telebačańnia
Chto taki Andrej Alaksandraŭ — prapahandyst ANT, jaki stažyravaŭsia ŭ «Žoŭtych źlivach» i jeździć na zatrymańni
Minhandlu vypadkova źliło dakumient, u jakim pakazała, jak i za što naličvaje premii11
Kamientary
Py sy, ciapier hałoŭnaje, kab karniki nie znajšli, chto heta zrabiŭ