Mierkavany baćka pamior jašče da naradžeńnia dziciaci. Ekśpierty paćvierdzili svajactva praź dziadźku
U 2025 hodzie dziaŭčyna sustrakałasia z maładym mužčynam i zaciažarała ad jaho, adnak za dva tydni da naradžeńnia syna małady čałaviek pamior. Dzicia atrymała imia pa baćku ad baćki i proźvišča maci.
Pakolki para nie znachodziłasia ŭ aficyjnym šlubie i pamierły nie byŭ zapisany baćkam narodžanaha dziciaci, dla afarmleńnia piensii pa stracie karmiciela ŭźnikła nieabchodnaść spačatku ŭstanavić fakt baćkoŭstva.
Sud pryznačyŭ hienietyčnuju ekśpiertyzu va ŭpraŭleńni Dziaržkamiteta sudovych ekśpiertyz pa Mahiloŭskaj vobłaści, abaviazaŭšy rodnaha brata pamierłaha źjavicca ŭ ekśpiertnaje padraździaleńnie dla adboru bijałahičnych uzoraŭ.
Vyniki daśledavańnia Y-chramasomnaj DNK dziciaci i mierkavanaha dziadźki paćvierdzili, što brat pamierłaha i dzicia mohuć być bijałahičnymi svajakami pa mužčynskaj linii (u tym liku dziadźkam i plamieńnikam, ale nie baćkam i synam), pryčym vierahodnaść svajactva pa mužčynskaj linii składaje 99,996 %, paviedamiŭ Dziaržkamitet sudovych ekśpiertyz.
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary