Ź Minska zapuściać novyja aŭtobusnyja rejsy ŭ Polšču i Hiermaniju
Z kanca sakavika ź Minska zapuskajucca dva novyja aŭtobusnyja maršruty — u Polšču i Hiermaniju. Pieravozčyk Intercars pačnie vykonvać rejsy ŭ ramkach novych napramkaŭ, jakija achoplivajuć niekalki bujnych haradoŭ, piša «Anłajnier».
Rejsy pa maršrucie Minsk — Kielcy (Polšča) pačnuć kursavać z 26 sakavika. Adpraŭleńnie — dvojčy na tydzień, čaćviarhami i subotami, a 21:00 z aŭtavakzała «Centralny» ŭ Minsku.
Pa darozie aŭtobus budzie rabić prypynki ŭ Lublinie i Radamie, a prybyćcio ŭ Kielcy zapłanavana na ranicu nastupnaha dnia.
Zvarotny rejs taksama adpraŭlajecca a 21:00 z Kielcaŭ i prybyvaje ŭ Minsk dniom nastupnaha dnia.
Košt bileta zaležyć ad punkta pryznačeńnia:
- Minsk — Kielcy — 130 rubloŭ, dzieciam da 12 hadoŭ uklučna — 65 rubloŭ (źnižka 50%), moładzi da 26 hadoŭ i piensijanieram — 117 rubloŭ (źnižka 10%);
- Minsk — Lublin — 120 rubloŭ, dzieciam da 12 hadoŭ uklučna — 60 rubloŭ (źnižka 50%), moładzi da 26 hadoŭ i piensijanieram — 108 rubloŭ (źnižka 10%);
- Minsk — Radam — 120 rubloŭ, dzieciam da 12 hadoŭ uklučna — 60 rubloŭ (źnižka 50%), moładzi da 26 hadoŭ i piensijanieram — 108 rubloŭ (źnižka 10%).
Rejsy maršrutam Minsk — Miunchien (Hiermanija) startujuć z 27 sakavika i buduć vykonvacca pa piatnicach. Adpraŭleńnie ź Minska — 14:40.
Maršrut prachodzić praz šerah haradoŭ Polščy i Niamieččyny, u tym liku Bierlin, Drezden, Niurnbierh, Frankfurt-na-Majnie i Štuthart. Prybyćcio ŭ Miunchien zapłanavana ranicaj nastupnaha dnia.
Zvarotny rejs adpraŭlajecca pa niadzielach ź Miunchiena a 16:30 i prybyvaje ŭ Minsk u paniadziełak.
Košt bileta da Miunchiena składaje 350 rubloŭ, dzieciam da 12 hadoŭ uklučna — 175 rubloŭ (źnižka 50%), moładzi da 26 hadoŭ i piensijanieram — 315 rubloŭ (źnižka 10%).
Pieravozčyk adznačaje, što taryfy mohuć źmianiacca ŭ zaležnaści ad popytu i zapaŭnialnaści aŭtobusa.
Bilety ŭžo dastupnyja ŭ prodažy.
Pieravozki buduć rabicca na sučasnych aŭtobusach z kandycyjanieram, Wi-Fi i USB-raźjomami, praduhledžany sanitarnyja prypynki, dazvoleny pravoz bahažu i svojskich žyvioł vahoj da 10 kh.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary19
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary