Łukašenka zajaviŭ, što stojkaść Irana na mižnarodnaj arenie vyklikaje pavahu
Miesiac tamu ŭ krainie byli žorstka zadušanyja pratesty.
Alaksandr Łukašenka pavinšavaŭ prezidenta Isłamskaj Respubliki Iran Masuda Piezieškijana i iranski narod z 47‑j hadavinaj pieramohi Isłamskaj revalucyi.
«Za pieryjad svajho isnavańnia Iran nieadnarazova prachodziŭ praz surjoznyja vyprabavańni, — havorycca ŭ vinšavańni. — Niadaŭnija padziei stali pravierkaj na stałaść instytutaŭ ułady i tryvałaść hramadskaj damovy. Zachavańnie kanstytucyjnaha paradku ŭ niaprosty čas śviedčyć pra adkaznaść kiraŭnictva i zdolnaść žycharoŭ adstojvać svoj vybar, nie dazvalajučy źniešnim siłam naviazać čužuju volu».
Łukašenka padkreśliŭ, što stojkaść Tehierana na mižnarodnaj arenie vyklikaje pavahu: «Va ŭmovach rehijanalnaj vajennaj eskałacyi i žorstkaha supraćstajańnia tym, chto vykarystoŭvaje dvajnyja standarty, Iran praciahvaje ruchacca svaim šlacham, demanstrujučy prahres i viernaść tradycyjnym duchoŭnym kaštoŭnaściam».
Masavyja pratesty ŭ Iranie pačalisia 28 śniežnia 2025 hoda. U pačatku studzienia jany dasiahnuli najbolšaha maštabu: masavyja vystupleńni achapili amal usie pravincyi, miljony ludziej vyjšli na vulicy z patrabavańniami źviaržeńnia režymu. Najbolš žorstkija sutyknieńni adbylisia z 8 pa 12 studzienia, kali siły biaśpieki, pavodle roznych acenak, zabili ad niekalkich tysiač da dziasiatkaŭ tysiač čałaviek.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»14
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary