Jeŭrapiejski sajuz vyrašyŭ aktyŭna šukać alternatyvy amierykanskamu zvadkavanamu pryrodnamu hazu. Paśla taho jak ZŠA stali hałoŭnym pastaŭščykom ZPH dla Jeŭropy zamiest rasijskaha «Hazprama», u Brusieli ŭźnikła tryvoha z-za praźmiernaj zaležnaści ŭžo ad Vašynhtona, piša Politico.
Asablivuju zaniepakojenaść vyklikali zajavy novaha prezidenta ZŠA pra mahčymyja myty dla Jeŭropy i navat pahrozy ŭ dačynieńni da Hrenłandyi. Dziela hetaha i robiacca kroki, kab paźbiehnuć užo novaj zaležnaści.
Jak paviedamiŭ Politico jeŭrakamisar pa enierhietycy Dan Jorhiensen, Jeŭrakamisija viadzie pieramovy ab pahłybleńni enierhietyčnaha supracoŭnictva z Kanadaj, Kataram i Ałžyram, a taksama pracuje nad zamiaščeńniem rasijskaha jadziernaha paliva. Choć ES nie imkniecca da handlovaj vajny z ZŠA, u sajuzie ŭsio macniej adčuvajuć ryzyku «zamieny adnoj zaležnaści inšaj».
Za apošnija hady pastaŭki amierykanskaha ZPH u Jeŭropu rezka vyraśli: u 2025 hodzie jany skłali bolš za pałovu ŭsiaho impartu zvadkavanaha hazu ŭ ES i Vialikabrytanii. Amal čverć usiaho hazu, jaki ciapier spažyvaje Jeŭrasajuz, pastupaje z ZŠA.
U toj ža čas suśvietny rynak ZPH chutka pašyrajecca. Kanada ŭžo pačała ekspart hazu i płanuje zapusk novych prajektaŭ, a Katar rychtujecca istotna pavialičyć vytvorčyja mahutnaści. U cełym z druhoj pałovy dziesiacihodździa prapanova ZPH u śviecie budzie značna pieravyšać raniejšyja abjomy. Heta dazvolić Jeŭropie mieć značna bolš alternatyŭnych krynic pastavak — nie tolki zamiest rasijskaha, ale i zamiest amierykanskaha hazu.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary
Chren ad Trampa ci redźka Pu..
Čamu nielha pryznać, što kupla tannaha haza z Rasii heta amal biezalternatyŭny varyjant dla raźvićcia ekanomiki i dabrabytu nasielnictva?
py.sy ŭžo hatovy atrymać 10000000 minusaŭ ad niŭskaj aŭdytaryi. Hy hy