Kitajski vytvorca spartyŭnych tavaraŭ Anta Sports nabyvaje kantrolny pakiet akcyj niamieckaha brendu Puma za 1,79 miljarda dalaraŭ. Pra heta paviedamlajecca ŭ zajavie Hankonhskaj fondavaj biržy, piša Reuters. Ździełka dazvolić kitajskamu hihantu istotna pašyryć svaju prysutnaść na suśvietnym rynku spartyŭnaj ekipiroŭki, daloka za miežami Kitaja.
U Anta adznačyli, što nabyćcio doli ŭ Puma pavinna ŭmacavać paznavalnaść brendu i jaho pazicyi na hłabalnym rynku, u tym liku ŭ Kitai. Staršynia savieta dyrektaraŭ Anta Dzin Šyčžun zajaviŭ, što, na jaho dumku, košt akcyj Puma ŭ apošnija miesiacy nie adlustroŭvaje sapraŭdny doŭhaterminovy patencyjał kampanii.
Pry hetym u Anta padkreślili, što nie płanujuć poŭnaha pahłynańnia lehiendarnaha niamieckaha brendu. Ździełka jašče pavinna atrymać dazvoł ad rehulacyjnych orhanaŭ, a pry spryjalnych umovach jaje płanujuć zaviaršyć da kanca hoda.
Anta bazujecca ŭ paŭdniova-ŭschodniaj kitajskaj pravincyi Fucziań i ŭvachodzić u lik najbujniejšych u śviecie vytvorcaŭ spartyŭnaha adzieńnia. Kampanija była zasnavanaja ŭ 1991 hodzie i praz svaju «dačku» Amer Sports vałodaje šeraham viadomych mižnarodnych brendaŭ, u tym liku Wilson, Arc'teryx i Salomon. Akramia taho, Anta kantraluje pravy na pracu na kitajskim rynku dla zamiežnych marak, takich jak Fila i Descente.
Pavodle źviestak analityčnaj kampanii Euromonitor International, Anta zajmaje treciaje miesca ŭ śviecie siarod brendaŭ spartyŭnaha adzieńnia, sastupajučy tolki Nike i Adidas. Pakiet akcyj Puma, jaki nabyvaje Anta, raniej naležaŭ hrupie Artemis, što kantralujecca siamjoj francuzskich miljarderaŭ Pino.
Kitajskaja kampanija BYD abahnała Tesla i stała najbujniejšym u śviecie pradaŭcom elektramabilaŭ
Rudkoŭski tłumačyć, čamu Tramp maje racyju nakont Hrenłandyi
Kitajski aŭtapram imkliva zavajoŭvaje Jeŭropu. Zamiest svaich lehiend jeŭrapiejskija zavody vypuskajuć aŭto z Padniabiesnaj
Tanki zamiest aŭtamabilaŭ. VPK zamianiaje aŭtapramysłovaść u jakaści hałoŭnaha ruchavika ekanomiki Hiermanii
Kamientary