Biełhidramiet raskazaŭ, što z radyjacyjaj u Biełarusi paśla incydentu na Čarnobylskaj AES
Paśla incydentu na Čarnobylskaj AES, jaki adbyŭsia 20 studzienia, radyjacyjnaja situacyja na terytoryi Biełarusi zastajecca stabilnaj. Pra heta paviedamiŭ Biełhidramiet.
U viedamstvie adznačyli, što zamiery radyjacyjnaha fonu na paŭdniovych terytoryjach krainy pravodziacca kožnyja try hadziny. Nijakich pieravyšeńniaŭ šmathadovych narmatyŭnych značeńniaŭ nie zafiksavana.
U Brahinie, jaki źjaŭlajecca najbližejšym da ŭkrainskaj Prypiaci biełaruskim nasielenym punktam, uzrovień hama-vypramieńvańnia skłaŭ 0,34 mikrazivierta za hadzinu. U Vasilevičach hety pakazčyk — 0,11 mkZv/h, u Žytkavičach i Mazyry — 0,10 mkZv/h.
Biełhidramiet nahadaŭ, što ŭ Biełarusi dziejničaje 41 dazimietryčny post, dzie štodzionna kantralujuć mahutnaść dozy hama-vypramieńvańnia. U paŭdniovych rehijonach źviestki abnaŭlajucca ź intervałam na try hadziny. Akramia taho, u zonach upłyvu atamnych elektrastancyj pracuje aŭtamatyzavanaja sistema kantrolu radyjacyjnaj abstanoŭki (ASKRA), jakaja ŭklučaje 33 aŭtanomnyja punkty. Infarmacyja ź ich pastupaje ŭ Biełhidramiet kruhłasutačna kožnyja 10 chvilin.
Incydent na Čarnobylskaj AES adbyŭsia dniom 20 studzienia, kali stancyja na niekalki hadzin zastałasia bieź źniešniaha elektrazabieśpiačeńnia. Pra heta paviedamiŭ kiraŭnik MAHATE Rafael Hrosi, adznačyŭšy, što hetaja situacyja źjaŭlajecca niestandartnaj i moža nieści patencyjnuju pahrozu.
Praź niekalki hadzin enierhazabieśpiačeńnie AES udałosia adnavic za košt Abjadnanaj enierhasistemy Ukrainy. Ukrainskaje Ministerstva enierhietyki zapeŭniła, što radyjacyjny fon na stancyi i ŭ zonie adčužeńnia znachodzicca ŭ miežach normy.
Taksama ŭ hetym paviedamleńni nahadvajecca, što paśla avaryi 26 krasavika 1986 hoda Čarnobylskaja AES nie pracuje jak elektrastancyja i vykarystoŭvajecca ŭ asnoŭnym dla zachoŭvańnia jadziernych adkidaŭ.
Ciapier čytajuć
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču23
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz4545
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz45
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary
Chutčej za ŭsie znoŭ šviedy pieršyja skažuć praŭdu.
taksama nie dla druku
Z hama-śpiektramietrystam my havaryli la mapy radyjaktyŭnaha zabrudžvańnia Biełarusi. Dva momanty zapomniłasia:
1.
- Uran u nas tut. Tykaju u Bałotnickaje rudnaje pole u Lelčyckim rajonie.
- Nie znaju i znať nie choču...
A miž inšym heta rajon vielmi zabrudžanaj vobłaści - Homielskaj. I heta tolki adzin stary raźviedany depazit.
Tut pravilna niechta zaŭvažyŭ, što impierskaść pačynajecca z centralizacyi ułady i inšych resursaŭ, u tym liku vytvorčych i navukova-daśledčych. Infarmacyja pra hety depazit vypadkova prasačyłasia praź impierskaje sita.
2.
- Łučšich śpiecialistov po radiochimii (razmova pra čarnobylski płutonij) hdie hotoviat?
- ?
- V Leninhradie...
Sacharaŭski kaledž, na vypusknikoŭ katoraha raźličvaje 70-ci hadovy hama-śpiektramietryst, u Minsku stvaraŭsia namahańniami Alaksandra Michajłaviča Lucko, supracoŭnika katedry jadziernaj fiziki BDU. Sam jon nie havaryŭ pa-biełarusku, a ot jahonyja knihi pa radyjacyjnaj biaśpiecy dla školnikaŭ namahalisia pierakładać na biełaruskuju u 90-ja. Praca nažal vykonvałasia ludźmi, jakija tuju biełaruskuju mabyć nienavidzieli. Ale fajł možna znajści. Knihi vartyja taho, kab ich pieravydać.