U noč na 27 śniežnia źnik 28‑hadovy žychar stalicy. Mužčyna adpačyvaŭ u načnym kłubie Modul Art Platform, paśla piataj ranicy vyjšaŭ na vulicu i źnik. Z taho času prajšło bolš za dva tydni, viaducca pošuki, adnak pra miescaznachodžańnie chłopca da hetaha času ničoha nie viadoma.
Jak raskazała Onliner.by Julija, maci Paŭła, u kłubie jaje syn adpačyvaŭ razam z byłym kaleham, adnak u niejki momant tavaryš pajšoŭ, a Pavieł zastaŭsia. Kala 5:30 ranicy jon vyjšaŭ z kłuba, paśla čaho źnik.
Žančyna dadała, što telefon chłopca ŭ apošni raz byŭ u zonie dostupu 27 śniežnia ŭ rajonie vulicy Bresckaj u Kurasoŭščynie. Adnak kiraŭnik pošukava-vyratavalnaha atrada «Siryus» Pavieł Jachimovič paviedamiŭ, što hetaja infarmacyja nie paćvierdziłasia.
— Dziakujučy kamieram videanazirańnia, ustalavanym na susiednich ustanovach (za pradastaŭlenyja zapisy — asobnaja padziaka), udałosia vyśvietlić, što Pavieł z 5:30 da 5:40 ranicy vyjšaŭ z kłuba i nakiravaŭsia ŭ bok internataŭ BDU, paśla čaho padyšoŭ da stajanki.
Kala 6:00 jon raźviarnnuŭsia i pajšoŭ nazad u bok kłuba. Na hetym jaho ślady hublajucca, — kaža Pavieł Jachimovič.
Miesca, dzie źnik Pavieł Kałašnikaŭ, — nabiarežnaja raki Śvisłač pobač sa starymi zavodskimi karpusami.
Apošnija maštabnyja pošuki pravodzilisia 8 studzienia. Zaraz im pieraškadžajuć niespryjalnyja ŭmovy nadvorja. Jak tolki nadvorje źmienicca, pošuki adnoviać.
— Jakaja asnoŭnaja viersija źniknieńnia Paŭła? — udakładnili ŭ surazmoŭcy.
— Adna z asnoŭnych viersij — niaščasny vypadak. Adnak jość i inšyja, jakija taksama nie varta adkidvać.
Prykmiety Paŭła: rost — kala 176 sm, vałasy rusyja. Byŭ apranuty ŭ čornuju kurtku z kapiušonam, kašulu ŭ kletku, čornyja spartyŭnyja štany i biełyja krasoŭki. Asablivyja prykmiety: na kiściach ruk majucca biełyja plamy vityliha. Kali vam što-niebudź viadoma pra miescaznachodžańnie Paŭła, prośba paviedamić pa telefonie 102 abo pa numary (25) 633-28-03.
Ciapier čytajuć
Žonku adnaho z hałoŭnych turemščykaŭ Biełarusi pasadzili ŭ kałoniju za ŭdzieł u pratestach5
Kamientary