Nastupstvy cykłonu Uli, jaki nakryŭ krainu, roznyja słužby i sami ludzi likvidujuć dahetul. Mnohija, nie čakajučy kamunalnikaŭ, sami vychodzili ŭ dvary prybirać śnieh. Samastojna rasčyścić svoj dvor vyrašyli i žychary šmatkvaternaha doma na vulicy Bajkalskaj, 66, ale ŭ pracesie natknulisia na žachlivuju znachodku, piša Onliner.by.
«Z pałovy na šostuju ranicy muž i jašče niekalki chłopcaŭ pajšli adkopvać darohu ŭ dvary — kapali, kapali i adkapali trup», — napisała ŭ Threads miascovaja žycharka.
Incydent adbyŭsia siońnia rana ranicaj. Voś što raskazała žurnalistu Onliner minčanka:
— Kala 6:40 muž i jašče niekalki chłopcaŭ vyjšli rasčyščać darohu ŭ dvary. Kapali, kapali — i adkapali trup mužčyny. Na pracu muž pajechaŭ na mietro, bo vyjechać z dvara ŭžo nie było mahčymaści. Bačyła, što kala 9:30—10 ranicy pryjechali chutkaja dapamoha i milicyja.
— Nakolki my zrazumieli, cieła mužčyny było znojdziena ŭ dvary na darozie, jano było prysypana śnieham.
Pra asobu i abstaviny jaho hibieli pakul ničoha nie viadoma
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary