USU ŭdaryli pa najbujniejšym rasijskim vytvorcu akumulataraŭ dla bieśpiłotnikaŭ i rakiet
Poźnim viečaram 4 studzienia Ukraina naniesła ŭdar dronami pa Lipieckaj vobłaści Rasii. Abłomki adnaho ź bieśpiłotnikaŭ upali ŭ pramysłovaj zonie horada Jalec, vyklikaŭšy pažar, jaki da 1‑j nočy ŭdałosia łakalizavać, paviedamiŭ hubiernatar Lipieckaj vobłaści Ihar Artamonaŭ.
Cellu ataki stała PAT «Enierhija» — najbujniejšy rasijski vytvorca akumulataraŭ, u tym liku dla dronaŭ, rakiet, avijacyi i fłotu. Jak śviedčać videa i fotazdymki miascovych žycharoŭ, u vyniku nalotu na zavod uźnik mocny pažar u cechu vajskovaj pradukcyi. Stupień paškodžańniaŭ pakul dakładna nie viadomaja.
Ź ludziej, jak paviedamlajecca, nichto nie paciarpieŭ.
Zavod u Jalcy ŭžo dvojčy padviarhaŭsia atakam ukrainskich BPŁA ŭ 2025 hodzie: u lipieni i ŭ noč na 23 maja, kali ŭ vyniku pažaru paciarpieli 9 supracoŭnikaŭ. Asnoŭnaja pradukcyja zavoda — chimičnyja krynicy toku, jakija vykarystoŭvajucca jak u abaronnaj pramysłovaści, tak i ŭ cyvilnaj avijacyi, marskim transparcie i enierhietyčnym siektary.
Pavodle infarmacyi Ministerstva abarony RF, z 20:00 da 23:00 4 studzienia rasijskaja SPA źniščyła 41 dron va ŭsioj krainie, u tym liku čatyry — u Lipieckaj vobłaści.
Ciapier čytajuć
Sotni kačak zapałanili raku ŭ Mahilovie. U vyraj nie adlacieli, bo zanadta sytna žyviecca pobač z čałaviekam1
Kamientary