U vychodnyja źjaŭlalisia paviedamleńni, što Radryhies znachodzicca ŭ Rasii, ale MZS Rasii heta abvierhła.
V. a. prezidenta Vieniesueły Dełsi Radryhies praviała pieršaje pasiadžeńnie kabinieta ministraŭ z momantu źviaržeńnia Nikałasa Madura. Telekanał Venezolana de Televisión pakazaŭ vice-prezidenta Radryhies za stałom u prezidenckim pałacy razam z dvuma inšymi klučavymi prychilnikami Madura — ministram abarony Uładzimiram Padryna Łopiesam i kiraŭnikom MUS Dyjosdada Kabieljo.
Vykonvać abaviazki prezidenta Radryhies pryznačyŭ Viarchoŭny sud Vieniesueły. Raniej jana patrabavała vyzvalić Madura, zachoplenaha ZŠA, piša Bi-bi-si.
U vychodnyja źjaŭlalisia paviedamleńni, što Radryhies znachodzicca ŭ Rasii (MZS Rasii heta abvierh).
U intervju vydańniu The Atlantic prezident ZŠA Donald Tramp pryhraziŭ pryniać miery suprać Dełsi Radryhies, kali jana nie budzie supracoŭničać sa Złučanymi Štatami.
«Kali jana nie pastupić pravilna, joj daviadziecca zapłacić vielmi vysokuju canu, vierahodna, bolšuju, čym Madura», — zajaviŭ amierykanski lidar.
Donald Tramp taksama zajaviŭ, što padčas apieracyi ZŠA pa zachopie vieniesuelskaha lidara Nikałasa Madura było zabita šmat supracoŭnikaŭ kubinskich słužbaŭ biaśpieki.
«Vy viedajecie, učora było zabita šmat kubincaŭ», — skazaŭ Tramp žurnalistam na borcie Air Force One.
Ułady Kuby paviedamili pra hibiel 32 čałaviek. 5 i 6 studzienia abvieščanyja dniami žałoby ŭ krainie.
Tramp: Novaj kiraŭnicy Vieniesueły budzie horš, čym Madura, kali jana admovicca supracoŭničać
Tramp choča zdabyvać naftu ŭ Vieniesuele. Nakolki heta realna i kamu jana dastaniecca?
Vice-prezidentka Vieniesueły: Jość tolki adzin prezident, i jaho imia Nikałas Madura
Tramp pra Mačada: U jaje niama padtrymki ŭnutry krainy, choć jana vielmi miłaja žančyna
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary