U Baranavičach u sieradu pačaŭ pracu restaran chutkaha absłuhoŭvańnia Mak.by.
Jon staŭ 28‑m restaranam sietki i pieršym, što adkryŭsia ŭ rajonnym centry, piša Realt.by.
Mak.by pabudavali ŭ centry horada — na Savieckaj, 96.
Restaran realizavany ŭ farmacie, raspracavanym śpiecyjalna dla rehijanalnych haradoŭ. Pry hetym jon abstalavany ŭsimi asnoŭnymi technałohijami Mak.by: kijoskami samaabsłuhoŭvańnia, ličbavymi mieniubordami, padzielenymi zonami pryjomu i vydačy zakazaŭ, a taksama sistemaj pryhatavańnia zakazaŭ dla kožnaha hościa.
Taksama pracuje Mak.Drive.
U novym Mak.by stvorana 68 pracoŭnych miescaŭ, ź jakich 43 supracoŭniki — žychary Baranavičaŭ. Kampanija aryjentujecca na pryciahnieńnie miascovych śpiecyjalistaŭ i płanuje, što na praciahu 2026 hoda ŭvieś piersanał restarana budzie farmiravacca z žycharoŭ horada.
Pieršymi haściami novaha restarana stali vychavancy čatyroch dziciačych damoŭ siamiejnaha typu z Baranavičaŭ.
Mak.by pryjšoŭ na miesca «MakDonalds», jaki pracavaŭ u Biełarusi z 1996 hoda i zakryŭsia 22 listapada 2022 hoda. Pieršapačatkova mierkavałasia, što na jaho miescy adkryjecca rasijski brend «Vkusno — i točka», ale hetaha nie adbyłosia. Kala paŭhoda restarany faktyčna pracavali biez nazvy: naviedvalnikaŭ sustrakała tolki šylda «My adkryty». Novaja nazva źjaviłasia ŭ krasaviku 2023 hoda. A ŭ 2024 hodzie Mak.by nabyła biełaruskaja kampanija «Kvolici Fud».
Kamientary