U 15‑m siezonie kulinarnaha telešou MasterChef Italia, jakoje pakazvaje kanał Sky Uno, udzielničaje 20‑hadovaja Iren Rešyfina — dačka biełaruskaj baskietbalistki Lilii Małoj, jakaja ciapier žyvie ŭ Jeŭropie, piša Belmir.by.
Jak paviedamlajecca na sajcie teleprajekta, Iren naradziłasia ŭ ispanskaj Pampłonie, dzie hulała jaje maci, i tam ža vučyłasia ŭ pieršym kłasie. Paźniej siamja pierajechała ŭ italjanskuju Miesiny — rodny horad jaje baćki.
Da minułaha hoda dziaŭčyna zajmałasia baskietbołam, dasiahnuŭšy ŭzroŭniu «Sieryi B», ale paśla atrymała surjoznuju traŭmu i była vymušanaja zaviaršyć karjeru. Tym nie mienš jana i ciapier źviazanaja sa sportam — pracuje sudździoj u mužčynskaj «Sieryi C».
Zaraz Iren taksama źjaŭlajecca studentkaj: druhi hod vyvučaje prava na jurydyčnym fakultecie. Žyvie ŭ Bałońji. Zachapleńnie kulinaryjaj u jaje źjaviłasia dziakujučy šmatlikim padarožžam.
U hetym siezonie MasterChef Italia zmahajucca 20 udzielnikaŭ. Pieramožca atrymaje 100 tysiač jeŭra, prava apublikavać knihu sa svaimi receptami, a taksama stažyroŭku ŭ viadomaj škole italjanskaj kuchni.
Lilija Małaja naradziłasia ŭ 1967 hodzie, vučyłasia ŭ Mastach, skončyła BDU. Była členam zbornaj pa baskietbole, zavajavała šerah uznaharod. Paśla raspadu SSSR hulała ŭ Polščy, Ispanii, Francyi i Italii. Ciapier pracuje trenieram.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia17
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary