U Maskvie zahinuli dvoje palicejskich: nieviadomy kinuŭ vybuchoŭku ŭ ich mašynu
Zdareńnie adbyłosia zusim pobač ź miescam hibieli hienierał-lejtenanta Faniła Sarvarava, adkaznaha za ŭvarvańnie va Ukrainu, jaki byŭ 22 śniežnia padarvany ŭ svaim aŭto.
Siońnia pozna ŭnačy na vulicy Jaleckaj nieviadomy ździejśniŭ napad na aŭtamabil DPS. Mužčyna padbieh da patrulnaj mašyny i kinuŭ u sałon pakiet z samarobnaj vybuchovaj pryładaj, paviedamlajuć blizkija da rasijskich siłavikoŭ kanały.
U vyniku mahutnaha vybuchu dvoje supracoŭnikaŭ palicyi zahinuli na miescy, jašče dvoje atrymali ranieńni i byli terminova špitalizavany.
Miascovyja žychary paviedamlajuć, što čuli jak minimum dva hučnyja vybuchi niepadalok ad palicejskaha ŭčastka.
Paźniej SK RF paviedamiŭ, što było znojdziena cieła padryŭnika — jon zahinuŭ.
U hetym ža rajonie, na susiedniaj vulicy Jasienievaj, adbyŭsia padryŭ aŭtamabila Kia Sorento, u jakim znachodziŭsia 56‑hadovy hienierał-lejtenant Fanił Sarvaraŭ. Jon zahinuŭ. Vybuchoŭka była zamacavana pad dnom mašyny i spracavała adrazu paśla pačatku ruchu.
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku5
Kamientary