Na vostravie Teneryfie pabili suśvietny rekord pa daŭžyni kaladnaha desiertu
Na ispanskim vostravie Teneryfie ŭ horadzie Sanćjaha-del-Tejde ŭstanavili rekord Knihi Hiniesa, pryhatavaŭšy samy doŭhi ŭ śviecie kaladny desiert. Hatavali tam turon — tradycyjnuju ispanskuju słodyč, padobnuju da nuhi, piša vydańnie Tenerife Weekly.
Pradstaŭnik Knihi rekordaŭ Hiniesa aficyjna zafiksavaŭ daŭžyniu łasunku paśla dakładnych zamieraŭ i ŭliku paškodžanych frahmientaŭ. U vyniku było paćvierdžana, što turon dasiahnuŭ 1151,15 mietra. Kali b jaho vykłali pa pramoj linii, heta adpaviadała b daŭžyni amal adzinaccaci futbolnych paloŭ.
Arhanizatary adrazu płanavali pabić papiaredni rekord, ustalavany ŭ Italii, dzie daŭžynia desiertu składała 1004 mietry. Dla realizacyi idei abjadnalisia miascovyja kandytary, viadomyja majstry z horada Takaronte i dziasiatki vałancioraŭ. Praces pryhatavańnia hihanckaha turona zaniaŭ kala vaśmi hadzin.
Pa słovach šef-kuchara Pabła Pastara, kiraŭnika Kanarskaj asacyjacyi šef-kucharaŭ i kandytaraŭ, dla desiertu vykarystali bolš za tonu hofia, sotni kiłahramaŭ miodu, cukru, šakaładu, mindalu i bananaŭ.
Akramia pryciahnieńnia turystaŭ, arhanizatary chacieli padzialicca śviatočnym nastrojem ź ludźmi, jakija majuć patrebu ŭ padtrymcy. Paśla fiksacyi rekordu turon razdavali žycharam i haściam horada, a značnuju častku pieradali niaŭradavym arhanizacyjam, što ŭdzielničali ŭ padrychtoŭcy mierapryjemstva.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał55
Kamientary