На востраве Тэнэрыфе пабілі сусветны рэкорд па даўжыні каляднага дэсерту
На іспанскім востраве Тэнэрыфе ў горадзе Санцьяга-дэль-Тэйдэ ўстанавілі рэкорд Кнігі Гінеса, прыгатаваўшы самы доўгі ў свеце калядны дэсерт. Гатавалі там турон — традыцыйную іспанскую слодыч, падобную да нугi, піша выданне Tenerife Weekly.
Прадстаўнік Кнігі рэкордаў Гінеса афіцыйна зафіксаваў даўжыню ласунку пасля дакладных замераў і ўліку пашкоджаных фрагментаў. У выніку было пацверджана, што турон дасягнуў 1151,15 метра. Калі б яго выклалі па прамой лініі, гэта адпавядала б даўжыні амаль адзінаццаці футбольных палёў.
Арганізатары адразу планавалі пабіць папярэдні рэкорд, усталяваны ў Італіі, дзе даўжыня дэсерту складала 1004 метры. Для рэалізацыі ідэі аб’ядналіся мясцовыя кандытары, вядомыя майстры з горада Такаронтэ і дзясяткі валанцёраў. Працэс прыгатавання гіганцкага турона заняў каля васьмі гадзін.
Па словах шэф-кухара Пабла Пастара, кіраўніка Канарскай асацыяцыі шэф-кухараў і кандытараў, для дэсерту выкарысталі больш за тону гофіа, сотні кілаграмаў мёду, цукру, шакаладу, міндалю і бананаў.
Акрамя прыцягнення турыстаў, арганізатары хацелі падзяліцца святочным настроем з людзьмі, якія маюць патрэбу ў падтрымцы. Пасля фіксацыі рэкорду турон раздавалі жыхарам і гасцям горада, а значную частку перадалі няўрадавым арганізацыям, што ўдзельнічалі ў падрыхтоўцы мерапрыемства.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта5
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары