«Nikoli nie byŭ suprać svabodnaha vybaru čałavieka». Łukašenka źmiakčyŭ pazicyju adnosna maršrutak
Vystupajučy na Usiebiełaruskim narodnym schodzie, Alaksandr Łukašenka znoŭ źviarnuŭsia da prablemy pasažyrskich pieravozak unutry Biełarusi.
Bačna, što Łukašenku dałažyli pra nie vielmi stanoŭčuju reakcyju nasielnictva na vykazanyja im raniej idei adnosna zamieny maršrutak na aŭtobusy, pakolki jon adznačyŭ: «Chaču, kab mianie pačuli i tyja, chto tyktokajecca ŭ hetych tyk-tokach».
«Ja nikoli nie byŭ suprać svabodnaha vybaru čałavieka, na čym jamu pieramiaščacca. Ale kali ludzi stajać u čarzie, i hramadzianie da mianie źviartajucca, ja na heta nie moh nie źviarnuć uvahu. My nieadkładna zrabili niamała aŭtobusaŭ, elektrobusaŭ, na hazamatornym palivie, ruchavikach unutranaha zharańnia, i zapuścili pa maršrucie. Vybirajcie!», — zajaviŭ Łukašenka, adstupiŭšy ad svajoj papiaredniaj pazicyi, rezka skiravanaj suprać maršrutak jak takich.
Źviarnuŭsia jon i da prablemy jakaści ajčynnych aŭtobusaŭ, na jakuju rehularna pastupajuć skarhi ad zamiežnych, pieradusim rasijskich spažyŭcoŭ:
«Niachaj jana na pracent-dva pradukcyja budzie daražejšaja — MAZy, BIEŁAZy, MTZ i hetak dalej. Ale heta pavinien być jakasny pradukt! Vy bačycie, jakaja kankurencyja idzie. U ŚMI kožny raz: to tam zahareŭsia aŭtobus MAZ, to jašče dzieści jaho padpalili. Pačynajem raźbiracca, a ničoha nie hareła. Heta kankurencyja. Nas prosta takim čynam sprabujuć nachilić i pakazać, što ŭ nas niajakasnaja pradukcyja. Ale jość pytańni i da našaj jakaści. Treba, kab ich nie było!»
Elektrobusy pačnuć chadzić u nastupnym hodzie pryharadnymi maršrutami
Ministr transpartu raskazaŭ, jak buduć vykonvać zahad Łukašenki razabracca z maršrutkami
«A ludziej spytać?» Adny klanuć Łukašenku za namier likvidavać maršrutki, inšyja chvalać
Dla pajezdak ź Minska ŭ Barysaŭ i Žodzina zakupiać 15 dadatkovych aŭtobusaŭ
«Čaho ź ludziej ździekujeciesia?!» Łukašenka zahadaŭ prybrać maršrutki
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli6
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary
Vybirajcie, dzie nad vam buduć ździekvacca - kolki chočacie.