«A ludziej spytać?» Adny klanuć Łukašenku za namier likvidavać maršrutki, inšyja chvalać
Niadaŭna Łukašenka zahadaŭ zamianić maršrutki aŭtobusami i elektrobusami. U tyktoku narod heta aktyŭna abmiarkoŭvaje.
«Maršrutki taksama patrebnyja»
Mienš čym za sutki videa nabrała bolš za 22 tysiačy łajkaŭ i amal 2800 kamientaroŭ. Bolšaść karystalnikaŭ pastaviłasia da idei skieptyčna. Najbolšuju padtrymku sabraŭ kamientaryj, jaki padkreślivaje hałoŭnuju pieravahu maršrutak — chutkaść:
«Na maršrutkach chutčej dajedzieš, čym na aŭtobusie. Nie treba ich prybirać». Aŭtara padtrymali zvyš 5900 čałaviek.
Krychu mienš papularnaj, ale taksama masavaj (zvyš 2700 łajkaŭ) stała mierkavańnie:
«Maršrutki taksama patrebnyja».
«A ludziej spytać?»
Mnohija aburajucca, što ich mierkavańnia nichto nie spytaŭ, i pierakananyja, što takoje rašeńnie tolki ŭskładnić im žyćcio:
«A ludziej spytać nie treba, što im zručniej?», — zaŭvažaje adna hledačka.
Inšyja dadajuć:
«Moža, chopić rabić naša žyćcio nievynosnym? I tak adny pieraškody. Jašče i maršrutki prybieracie. Paśla 23:00 staim na prypynku, molimsia, kab maršrutka padjechała».
«Kali ludzi jeździać na maršrutkach, to im tak zručniej. I pavinien być vybar».
«Chutka my nie zmožam nikudy dabracca»
Karystalniki pryvodziać kankretnyja prykłady taho, jak admiena maršrutak moža niehatyŭna paŭpłyvać na ich štodzionnyja pajezdki:
«Prykolna, ciapier pieššu 20 km praź les».
«Chutka my nie zmožam nikudy dabracca. Za što nie biarucca, usio ŭ advarotny bok atrymlivajecca».
«Jakija aŭtobusy suprać maršrutak. Vy žartujecie? Kali b nie maršrutki, usie b nikudy nie paśpieli».
«Ciapier zamiest taho, kab mnie čakać 6 chvilin maršrutku, budu čakać 40 chvilin tralejbus na choładzie. Dziakuj».
«Mnie z Malinaŭki da Šabanoŭ jechać vielmi zručna na maršrutcy. A aŭtobus? I pierasadak kuča. Dzie kamfortniej?»
Padvodziačy rysu pad hetymi arhumientami, adzin z karystalnikaŭ piša:
«Nu, nie viedaju, — dla mianie maršrutka samy zručny i chutki vid haradskoha transpartu», i jaho padtrymlivaje amal 450 inšych.
«Zhodny. Pravilna»
Adnak jość i tyja, chto całkam padtrymlivaje rašeńnie ŭładaŭ. Častka kamientataraŭ vykazvajecca łakanična i biez dadatkovych tłumačeńniaŭ:
«Zhodny. Tolki adny plusy ad aŭtobusaŭ. Padtrymlivajem. Maršrutki jeździać, jak chočuć. Čekaŭ nie dajuć».
«Pravilna. Daŭno para było tak zrabić. Stolki aŭtobusnych parkaŭ. Novaja technika! A jany prucca na hetyja maršrutki, jakim pa 40 hadoŭ!»
«Strašna jeździć na maršrutkach»
Inšyja prychilniki zamieny pryvodziać bolš razhornutyja arhumienty, robiačy akcent na biaśpiecy i kamforcie, jakich, na ich dumku, nie chapaje maršrutkam:
«Daŭno para prybrać maršrutki, a dakładniej toj mietałałom, jaki imi nazvany. Heta pieradusim biaśpieka hramadzian».
«Pakolki apošnim časam avaryi z maršrutkami sistematyčnyja, to tak, na aŭtobusie budzie biaśpiečniej».
«Pravilna!!! Strašna jeździć na maršrutkach, asabliva zimoj…»
«Na aŭtobusie realna zručniej, čym na hetych maršrutkach zadychacca».
«U hetyja maršrutki niemahčyma ŭpichnucca, navat kali jany całkam pustyja. Jak u karobku na kołach zachodziš. I sapraŭdy śmiardzić tam».
«Voś tut pahadžusia z Łukašenkam. Nieabchodna abnavić aŭtapark aŭtobusaŭ i pastavić jak maha bolš na roznyja maršruty. Heta našmat biaśpiečniej za maršrutki».
«I dzie stolki aŭtobusaŭ voźmuć?»
U toj ža čas navat siarod prychilnikaŭ idei hučyć važnaja ŭmova, bieź jakoj reforma nie budzie paśpiachovaj:
«Aŭtobus pavinien chadzić kožnyja 5 chvilin».
Ale, jak pišuć žychary roznych haradoŭ, mienavita z kolkaściu aŭtobusaŭ i stabilnaściu ich ruchu ŭžo ciapier isnujuć vialikija prablemy:
«I dzie stolki aŭtobusaŭ voźmuć?»
«U aŭtobusnym parku Mahilova brakuje aŭtobusaŭ. I praz heta pałova rejsaŭ adsutničaje. Ratujuć tolki maršrutki».
«U Viciebsku aŭtobusaŭ i tak brakuje na maršrutach. Ź niekatorych rajonaŭ paśla 20:00 navat vyjechać niemahčyma. Tolki maršrutki ratujuć!».
«U nas u Oršy aŭtobusa nie dačakaješsia. Usie ŭžo daŭno viedajuć, što Orša — horad maršrutak. Doraha, ale treba jechać».
«Maršrutki ŭ nas chodziać kožnyja 10 chvilin, aŭtobusy — raz na hadzinu, a to i paŭtary».
«U jakim miescy kamfortniej?»
Na dumku inšych, zamiena maršrutak na aŭtobusy pryviadzie da ŭtvareńnia zatoraŭ na darohach.
Da taho ž, karystalniki staviać pad sumnieŭ tezis pra kamfortnaść i nadziejnaść aŭtobusaŭ:
«U jakim miescy kamfortniej? Našy aŭtobusy ŭsie hrymiać i na 35% składajucca ź pieny. Dzie kamfort?»
«Nie paśpieješ vyjechać, jak aŭtobusy łamajucca. Užo prachodzili taki numar».
«Treba i toje, i druhoje. A ludzi vybieruć»
U vyniku mnohija kamientatary sychodziacca na dumcy, što krajnija miery nie patrebnyja, a najlepšym rašeńniem byŭ by kampramis, jaki dazvolić zachavać pieravahi abodvuch vidaŭ transpartu:
«Nieabchodna ŭkaraniać usie vidy transpartu, a narod raźbiarecca».
«Maršrutki vielmi zručna. Lepš, čym aŭtobus. Treba i toje, i druhoje. A ludzi vybieruć, što kamu bolš patrebna».
«A čamu nie spałučyć i toje, i druhoje?»
«Zusim prybirać maršrutki nielha. Možna skaracić i dadać elektrobusy».
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»32
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
U taksi jeździać ludzi z hrašyma, a na aŭtobusach praletaryjat.
Praletaryjat nie maje hrošaj kab kuplać darahuju parfumu, tamu vielmi časta ŭ aŭtobusie niepryjemna pachntet ad praletaryjaŭ.
Kab mieć hrošy, treba pracavać, praletaryjat žadaje tolki atrymlivać.