«Čaho ź ludziej ździekujeciesia?!» Łukašenka zahadaŭ prybrać maršrutki
«Stajać u čerhach, kab ucisnucca ŭ hetuju maršrutku śmiardziučuju».
Na naradzie ab vynikach raboty BiełAES Alaksandr Łukašenka zahavaryŭ pra maršrutki i čerhi na ich, paviedamlaje BiełTA.
Jon prapanavaŭ pryciahnuć elektratranspart na maršruty. «Piłotnyja prajekty pa pieravodzie hramadskaha transpartu na elektryčny ŭkaraniony ŭ Škłovie, Žodzinie i Navapołacku. A ŭ cełym na siońnia ŭ krainie ekspłuatujecca bolš za 44 tysiačy elektramabilaŭ i naličvajecca zvyš 1870 zaradnych stancyj», — pryvioŭ danyja palityk.
Jon aburyŭsia niedachopam hramadskich vidaŭ transpartu ŭ pryharadnym i mižharodnim złučeńni.
«Ludzi kryŭdziacca: stajać, asabliva ŭ hadziny pik, pa 150 mietraŭ, jak jany pišuć, u čerhach, kab ucisnucca ŭ hetuju maršrutku śmiardziučuju, — skazaŭ jon. — Słuchajcie, čaho vy ź ludziej ździekujeciesia?!»
«My što, nie možam zamianić hetyja maršrutki, Alaksandr Hienrychavič, aŭtobusami? — zaŭvažyŭ Łukašenka, źviartajučysia da premjer-ministra Alaksandra Turčyna. — Treba pastavić, až da taho, što nie tolki na ruchavikach unutranaha zharańnia aŭtobusy, ale i elektrobusy pastavić. I chaj iduć.
Z zadavalnieńniem ludzi pajeduć. Kamfortna, pavietram dychajuć u hetym aŭtobusie, nie siadziać tam (jak u maršrutkach) zacisnuŭšysia».
Pavodle jaho słoŭ, heta byŭ by i bolš biaśpiečny vid transpartu: «Nu stracim my 2‑3 chviliny, ale žyvyja budziem i zdarovyja».
Ciapier čytajuć
Aryštavali byłoha pamočnika Michaiła Miaśnikoviča5
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary