U Azierbajdžanie zapatrabavali pažyćciovaje dla byłoha premjer-ministra Nahornaha Karabacha
Rubiena Vardaniana abvinavačvajuć u płanavańni vajny, departacyi nasielnictva, arhanizacyi vykradańniaŭ ludziej, užyvańni katavańniaŭ, a taksama pa mnohich inšych kryminalnych artykułach.
Prakuratura Azierbajdžana prosić prysudzić byłoha dziaržaŭnaha ministra niepryznanaj Nahorna-Karabachskaj Respubliki i rasijskaha miljardera Rubiena Vardaniana da pažyćciovaha pazbaŭleńnia voli, piša Bi-bi-si.
Azierbajdžan abvinavačvaje hramadzianina Armienii Vardaniana ŭ płanavańni vajny, departacyi nasielnictva, arhanizacyi vykradańniaŭ ludziej, užyvańni katavańniaŭ, a taksama pa mnohich inšych kryminalnych artykułach.
Biznesmien svajoj viny nie pryznaje i nazyvaje sudovy praces palityčna matyvavanym. U znak pratestu suprać kryminalnaha pieraśledu jon užo nieadnarazova abjaŭlaŭ haładoŭki. Paśla adnoj ź ich, jakaja doŭžyłasia siem dzion, stan zdaroŭja Vardaniana rezka pahoršyŭsia.
Uvosień 2022 hoda Vardanian admoviŭsia ad rasijskaha hramadzianstva, vyjechaŭ u Nahorny Karabach i staŭ premjer-ministram niepryznanaj respubliki.
U vieraśni 2023 hoda Azierbajdžan u vyniku adnadzionnaj vajny atrymaŭ kančatkovy kantrol nad Karabacham. Armianskaje nasielnictva — bolš za 100 tysiač čałaviek — pakinuła svaje damy i vyjechała ŭ Armieniju.
27 vieraśnia 2023 hoda Rubiena Vardaniana zatrymali ŭ Łačynskim kalidory, kali jon sprabavaŭ, razam ź inšymi žycharami, vyjechać z Karabacha.
Vardanian zajaŭlaŭ, što pratakoły jaho dopytaŭ, składzienyja azierbajdžanskimi śledčymi, byli sfalsifikavanyja.
Pavodle danych armianskaha Kamiteta pa spraviadlivaści i praŭdzie, u turmach Baku biez zachavańnia naležnych pravavych pracedur utrymlivajucca prynamsi bolš za 20 armian, jakich Jerevan nazyvaje zakładnikami i palityčnymi źniavolenymi ŭ rukach azierbajdžanskich uładaŭ.
U Armienii aktyvisty rehularna vychodziać na pratesty z patrabavańniem spynić pieraśled karabachskich armian i viarnuć ich dadomu.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher22
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher2
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary