Niadaŭna stała viadoma, što Biełaruskaja čyhunka admianiaje pryharadnyja ciahniki ź Lidy na pamiežnuju ź Litvoj stancyju Bieniakoni. Tady ž na čyhunačnych forumach prykmiecili, što ŭ novym raskładzie na 2026 hod niama znakamitych pryčapnych vahonaŭ Minsk — Druja, jakija iduć da samaj miažy Łatvii. Pošuk pa sistemie raskładaŭ pakazvaŭ: ciahniki pryznačanyja ŭ abaračeńnie tolki da 13 śniežnia 2025-ha, paśla hetaj daty pa maršrucie Minsk — Druja, Druja — Minsk i pa pramiežkavych stancyjach ciahniki nie vydavalisia zusim. Uźnikła padazreńnie, što hetyja ciahniki taksama chočuć admianić. Ale pakul što abyšłosia, piša Blizko.by.
Ciapier hetyja ciahniki ŭ raskładzie ŭžo źjavilisia. Na dni, jakija prymykajuć da navahodnich śviataŭ, dajucca kankretnyja daty kursiravańnia ciahnikoŭ, a dalej prosta paznačana: pa subotach i niadzielach.
Blizko.by pravieryŭ raskład na roznyja dni i znajšoŭ ciahniki ź Minska ŭ Druju i nazad, a taksama z pramiežkavych prypynkaŭ.
Praŭda, kvitki na ich kupić pakul nielha: cana nie adlustroŭvajecca, sistema vydaje «miescaŭ niama».
A voś pryharadny dyziel-ciahnik Krulaŭščyzna — Łyntupy na prosty zapyt usio hetak ža sama nie vydajecca, jaho možna ŭbačyć tolki pry pošuku raskładu pa pramiežkavych stancyjach (Pastavy, Haduciški i inšyja).
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali14
Kamientary